海皇粥店 (駱克道)

營業中

休息中

本來無諗過寫食評，因為呢類連鎖店都唔會有咩特色，但上菜後覺得唔分享下對自己唔住。。。早排食得好嘢多，見個胃有啲頂頂地，晏晝唔知食乜，就約同事去食粥。諗住呢間夠近，集團經營，又咁多年歷史，應該都合格吧，點知中伏了。點了2個特餐，都係相當穩陣嘅 艇仔粥+腸粉；菜乾排骨粥+炒麵。上菜都頗快，服務亞姐都算勤快。但點的4樣嘢，無一樣熱味精粥都算，腸粉先夠絕，入口一舊粉如果玩矇眼試食，唔落甜醬，應該無人估到食緊咩，連炒麵都無咩味，難道真的賣清淡？對我唯一的優點是“地點方便”，在銅鑼灣駱克道。但如果唔係連鎖店，應該早早離場了。下次咪制。