影片
更多
2012-06-17
268 瀏覽
住係呢附近，細細個已經食過，因為爸爸都幾鍾意就襯爸爸節黎食早一晚屋企人打咗電話黎問有冇位，話有大把位既（因為八個人先可以訂位，咁我地得五個預先打黎問一問）第二日我地一行五人去到先攞位，要上二樓坐，我地冇咩所謂既點知扶個老人家入到黎，比位果個先生竟然同我地講「你有老人家架，早啲講丫嘛！要坐下面早出聲丫嘛！」其實我婆婆都冇話上二樓有咩問題，成家都冇人介意，點解要講呢啲說話？上到去之後，帶咗我地去角落位，有條大柱頂住既，最多都係四人坐我地三個人坐低咗，已經好逼之後我地就問攞茶黎個侍應會唔會有其他位，個侍應好差咁講「冇架喇，係得呢個位架喇，你坐就坐啦！」咁我地望到有另一張檯就食完，都係五個人，啲位冇咁窄，就問個侍應可唔可以等個檯走咗過去坐個侍應話：「咁你要再落去拎過飛囉，我又唔係老細」咁我媽媽就落咗去拎飛，諗住坐住等隔離檯走個侍應就好晦氣咁話：「唉，你地自己諗下啦！」就拎埋啲茶走我地好安靜咁坐低等，都冇再坳無啦啦有另一個唔關事既侍應拎住送行過，好大聲咁講咗句，好明顯同我地講：「我地係咁架喇，你投訴都冇用架！」我地原本都冇咩嘢等緊，聽到呢一句真係火起我即刻企起身等佢送完碟送番轉頭，我問佢叫咩名佢
早一晚屋企人打咗電話黎問有冇位，話有大把位既
（因為八個人先可以訂位，咁我地得五個預先打黎問一問）
第二日我地一行五人去到先攞位，要上二樓坐，我地冇咩所謂既
點知扶個老人家入到黎，比位果個先生竟然同我地講
「你有老人家架，早啲講丫嘛！要坐下面早出聲丫嘛！」
其實我婆婆都冇話上二樓有咩問題，成家都冇人介意，點解要講呢啲說話？
上到去之後，帶咗我地去角落位，有條大柱頂住既，最多都係四人坐
我地三個人坐低咗，已經好逼
之後我地就問攞茶黎個侍應會唔會有其他位，個侍應好差咁講
「冇架喇，係得呢個位架喇，你坐就坐啦！」
咁我地望到有另一張檯就食完，都係五個人，啲位冇咁窄，就問個侍應可唔可以等個檯走咗過去坐
個侍應話：「咁你要再落去拎過飛囉，我又唔係老細」
咁我媽媽就落咗去拎飛，諗住坐住等隔離檯走
個侍應就好晦氣咁話：「唉，你地自己諗下啦！」就拎埋啲茶走
我地好安靜咁坐低等，都冇再坳
無啦啦有另一個唔關事既侍應拎住送行過，好大聲咁講咗句，好明顯同我地講：
「我地係咁架喇，你投訴都冇用架！」
我地原本都冇咩嘢等緊，聽到呢一句真係火起
我即刻企起身等佢送完碟送番轉頭，我問佢叫咩名
佢冇答我繼續講「你投訴都冇用過喎！！」
我話我唔理，我淨係要知你個名
跟住佢自己走咗去，就講咗句：「我叫呀May，你咪投訴囉！」
明明唔關佢事過喎，我地都等緊啦
唔明點解做服務業既，都可以對啲客單單打打
跟住有個應該係經理既男士好大聲咁講：「拿，老細係個度呀！」
跟住老細先行過黎，問我地咩事，我好快咁同佢講咗個簡短版既經過
老細先係樓梯附近既位比咗張檯我地，啲位闊少少
之後安排咗兩個好啲笑容既侍應黎招呼我地
我地離開角落位果時有另一檯客仲同我地講「個位最多咪坐三個人，你地五個點坐姐！」
我地坐低叫緊嘢食個時，見到原本我地想等位個張檯個五個人原來係識老細架
我都明識老細係好服務啲，但唔會咁大差別呀嘛
我唔想同屋企人出街食飯都要受人氣，尤其係開心既日子，又有老人家係度
最尾個叫呀May既女侍應都冇同我地一家道歉，仲要好明顯冇悔意
諗住去食人情味，點知變咗受人氣
就算食物真係可以，我地以後都唔會去食。
張貼