王林記潮州魚蛋粉麵

營業中

休息中

上一次幫襯王林記，係朋友介紹，嗰日原本想食安利，但係條龍長到😣，朋友話隔離間王林記其實都好好味，所以就轉移陣地。第一次食，叫咗個肥坑腩河粉，我本身鍾意食肥，佢啲牛腩切到半肥瘦，啱晒我口味，好香牛腩味。點知今次再訪，去到居然唔記得咗叫肥坑腩，淨係叫咗坑腩雲吞河粉😔坑腩咬上去d肉好似湯渣咁, 真係好失望。個香蔥魚蛋亦都冇想像中咁香蔥味，感覺好普通，唯一滿意係個辣椒油，下次唯有提醒自己一定要叫肥坑腩。