Burgerman (欽州街) (已結業)

無論邊一間鋪頭有啲乜嘢選擇，我都一定係嗌漢堡包加薯條🤣而呢一間鋪頭雖然唔係好大，但係個格局好靚，而且都坐得好舒服嘅一間漢堡店。牆上仲有好多唔同嘅memo紙，俾人打打氣！而且我自己覺得餐廳最貼心嘅地方就係，有手套提供，咁樣就唔使驚食漢堡包嘅時候整污糟隻手啦！最後我自己嗌左丹麥藍芝士漢堡加薯條。講下佢漢堡入邊嘅藍芝士先份量好多，而且個味冇諗過同塊漢堡扒咁夾！而且牛肉同芝士嘅味都好出，唔會蓋過大家。而下面嘅蕃茄生菜等等嘅配料都好新鮮。而薯條嘅份量都唔少，食落去口感好好，同M記嗰啲有新嘅薯條餐好遠！最重要係食完之後都唔會覺得好熱氣！本來我朋友諗住睇我食，但係見到我個漢堡包咁好食就帶多咗一個比自己，哈哈！佢帶咗呢一個水牛城雞肉漢堡，其實我自己都咬咗一啖黎食，覺得過雞肉好嫩滑好多汁！