木玥巷 (已結業)

之前見到元朗開咗呢間分店想食好耐，今日同朋友行完山終於可以一試，下午三點幾都至少有三四台排緊隊入，今次同朋友一齊share, 叫咗蟹肉炒米粉，安格斯滷肉飯，炸花枝蝦餅，白桃烏龍茶。先講安格斯滷肉飯，真係幾好食，又多汁，啲牛肉粒又好淋好嫩，伴碟小菜都幾好食，蝦餅亦都好好食，好脆，之後個炒米粉炒出嚟個樣都好吸引，但係一識落就好乾囉，好乾好乾好乾，即刻要係咁飲水……… 呢間餐廳可以返嚟再試其他食物，但係唯一個敗筆就係冇得叫任何蔬菜🥬。 朋友叫咗牛肉麵就話麻麻哋，佢話嫌啲牛肉麵太淋，鹽酥雞 都唔係超好食，但係我冇食過我唔清楚，純粹朋友反映。