壹碗麵 (已結業)

唔知由幾時開始，豬軟骨成為左一種幾常見既食物，去麵檔或車仔麵檔，都不難發現豬軟骨既身影，但好食既豬軟骨，就唔係度度都有。今次係度食左個豬軟骨鴨蛋粗麵，本來對豬軟骨期望不大，只盼做到正常質素就可以，想不到十分之軟腍，而又帶點QQ咬口，肉也不會硬或難嚼，而是很鬆化，可見煮得火候剛好。除此以外，鴨蛋麵才是精華所在。粗粗的麵條掛麵度一流，雖粗而不會過硬或軟，帶點勁道，咬上來口感不俗。可能是加了鴨蛋的關係，味道頗鮮，不錯。