J.S. FOODIES (又一城)

營業中

休息中

係附近揾食，即興揾左呢間，好彩平日夜晚唔使排隊。用餐時間90分鐘。黑松露吉烈牛排漢堡配薯角侍應好細心，知道我地share,就叫廚房預先切開2件，並將流心蛋變熟蛋，容易進食。吉烈牛偏韌，有筋，一般。當中有很多紫洋蔥，增加口感。伴碟薯角都幾脆。明太子醬北海道魚子意粉一睇以為太多明太子醬啦，但將意粉拌勻，吸左醬汁，份量，味道啱啱好。醬汁好滑，意粉掛汁做得好，魚子入口就爆開，整個意粉配合得好出色 黑松露薯條黑松露醬唔係平時食開嘅預拌味道，而係酸忌廉上加pat黑松露，味道突出。士多啤梨藍莓香蕉班戟空氣感十足，入口即化，蛋香味再濃就更好了。