斑蘭

營業中

休息中

最近發現呢間位於圓方嘅星馬菜餐廳真係唔錯，餐廳裝修雅致，環境舒適，座位寬敞。我同老公去了這間餐廳食下午茶，點了兩個A+B+C下午茶套餐，每個套餐$98，A是小食， B是主食，C是飲品。最後加咗一個甜品-藍莓焦糖燉蛋$46。A越式牛油果醬法包配蕃茄莎莎真係絕配!法包外脆內軟，配埋新鮮的牛油果醬，加埋甜甜酸酸嘅蕃茄莎莎，清新又開胃。B無骨海南雞喇沙摻摻，雞肉又滑又嫩，摻摻麵配埋椰香味濃郁嘅喇沙湯底，十分滋味。C 桂圓紅棗茶，用料十足，有玫瑰花，菊花，桂圓，紅棗等，清甜可口。A腐乳蛋黃醬單骨雞翼，雞翼炸得外脆內裏滑嫩，沾埋濃郁香滑嘅腐乳蛋黃醬，實在令人難忘。B新加坡白胡椒肉骨茶配油香飯，熱辣辣原煲上，份量十足，肉骨浸在有濃濃白胡椒味嘅肉骨茶湯底裏，加上一碗香噴噴嘅油飯，真係滿足。C桔仔話梅水，酸酸甜甜非常醒胃。藍莓焦糖燉蛋賣相吸引，焦糖又薄又脆，燉蛋香濃滑溜，再配上藍莓醬，令人食得津津有味。