影片
更多
2010-05-05
24 瀏覽
難得老豆話出街食...叫我諗地點...就諗起花滿樓...因為上次細佬返o黎時一家人去食...環境唔錯...d野食都唔錯...雖然價錢唔算大眾化...但環境同食物我覺得可以接受啦~而且最重要係父母都覺得好食...o岩佢o地口味!咁o岩今次發現openrice有coupon...滿四百減一百...仲送小籠包添~即係抵好多啦~今次我o地一行四人...趁依家天氣未熱...都係選擇露天位...我o地點o左...1) 小籠包(送o既...每人一件)- 皮夠簿, 肉汁鮮甜...又夠熱...好味~2) 鎮江餚肉- 比上次仲好食...雖然我唔知正宗應該係點樣...但係上次裡面d肉係一舊一舊...今次呢~係一粒一粒碎碎地咁...如果唔係一上枱就食...由佢放一陣無咁凍食的話...係入口即溶o既感覺...連同上面放的少少紫薑絲食&點d鎮江醋食...一流!!!3) xx素鵝- 哩個比較普通少少...不過老豆阿媽諗住我又唔食得羊...所以特別多點哩個小食比我...其實哩個係腐皮裡面有d冬菇絲...炸o既...熱辣辣...但好在唔肥膩...ok4) 砂鍋雲吞雞- 好食...雖然我唔肯定個湯有冇味精...但就算有都
因為上次細佬返o黎時一家人去食...環境唔錯...d野食都唔錯...
雖然價錢唔算大眾化...但環境同食物我覺得可以接受啦~而且最重要係父母都覺得好食...o岩佢o地口味!
咁o岩今次發現openrice有coupon...滿四百減一百...仲送小籠包添~即係抵好多啦~
今次我o地一行四人...趁依家天氣未熱...都係選擇露天位...
我o地點o左...
1) 小籠包(送o既...每人一件)
- 皮夠簿, 肉汁鮮甜...又夠熱...好味~
2) 鎮江餚肉
- 比上次仲好食...雖然我唔知正宗應該係點樣...但係上次裡面d肉係一舊一舊...今次呢~係一粒一粒碎碎地咁...如果唔係一上枱就食...由佢放一陣無咁凍食的話...係入口即溶o既感覺...連同上面放的少少紫薑絲食&點d鎮江醋食...一流!!!
3) xx素鵝
- 哩個比較普通少少...不過老豆阿媽諗住我又唔食得羊...所以特別多點哩個小食比我...其實哩個係腐皮裡面有d冬菇絲...炸o既...熱辣辣...但好在唔肥膩...ok
4) 砂鍋雲吞雞
- 好食...雖然我唔肯定個湯有冇味精...但就算有都一定好少...個雞湯好清甜...最估唔到係d雲吞咁好食...連我老豆都讚d雲吞好食...裡面有d紅蘿蔔同唔知咩瓜(我估脆肉瓜o卦!)...d肉唔會一舊好實o既感覺...有鮮甜味...好好味!
5) 糖醋排骨
- 糖醋排骨係我見哩度食評好多人讚所以一定要點o既~真係唔係浪得虛名! 剛剛整起就送上o黎, 辣咀o既...個汁o既酸甜度剛剛好...d排骨炸o左外面有少少脆脆地...d汁剛好包住脆脆地果d位...咬落好淋...一d都唔un...我老豆阿媽d牙唔係太好都話夠淋好好食~不過呢...如果係用新鮮菠蘿會好d...另外一提...我感覺佢個汁唔係好正宗o既鎮江醋汁...但又唔係咕嚕肉果d汁...介乎兩者之間...但係都係好好味o既!
6) 京蔥爆羊肉
- 我唔食得羊...但媽媽老豆同老公都話好食...好夠鑊氣! 老豆話羊肉一d都唔so...好好味~
7) 火腿扒津白
- 老豆好鐘意食哩個...津白煮到好淋...火腿好香...又夠熱...
8) 豆沙鍋餅
- 我喜歡佢d豆沙唔會好甜...新鮮整起...所以好熱...但今次略嫌個皮厚o左少少...
9) 拔絲香蕉
- 哩個整得好食呀~仲要佢段件計...兩件起...d糖漿晌面脆脆地...熱辣辣...好食! 拔絲香蕉係我o地每次食飯o既必然選擇!
張貼