影片
更多
2010-03-29
19 瀏覽
起身著個半行街Look，如常落樓搵翻間食個晏。自己入去搵個二人位自己座，隔離係個杯碟櫃。落單落個銀芽蛋白兩味黃（原來係炒麵，碟麵嚟到先知）半隻貴妃雞跟魚湯米線、一籠燒賣咁啦。嗰位寫單阿姐（紅袍，操不純正口音），同我講個兩味黃$68喎，有無問題呀？咁我好禮貌地同佢講，你下次唔好咁樣問人地啦，人地以為你覺得佢食唔起。再繼續拎住張餐紙，指埋比佢睇落個貴妃雞同埋籠燒賣啦，佢就寫白咭。五六分鐘到碟雞，味道OK，食咗三分一到覺得唔對路，個魚湯米線呢？求其揚手叫人，有個部長級（男性，著黑衫，都係操不純正口音）埋嚟瞭解，問翻我邊個同你落單呀？我聽到O咗咀（阿部長你覺得我會記住邊個同我落單嗎？）！之後搵到個落單阿姐，喺我面前兩個一男一女部長（亦都係操不純正口音嘅）、一個員工擾攘之下，部長同位阿姐講落單要點樣寫呀咁咁。個兩味黃同籠燒賣之後到，可惜兩味黃（其實即係肉絲炒麵個麵底）炒到一舊舊唔多脆，個筷子基本上分唔得開兩份，懷疑炸唔透。燒賣都可以。環境：座得個杯碟櫃隔離，啲阿姐個成日擺杯擺碟、疊高拎走，個櫃門就成日開開合合，砰砰聲。埋單：兩味黃$68，貴妃雞半隻$60（本來跟魚湯米湯嗰份只係$48），燒賣$1
自己入去搵個二人位自己座，隔離係個杯碟櫃。
落單落個銀芽蛋白兩味黃（原來係炒麵，碟麵嚟到先知）半隻貴妃雞跟魚湯米線、一籠燒賣咁啦。
嗰位寫單阿姐（紅袍，操不純正口音），同我講個兩味黃$68喎，有無問題呀？
咁我好禮貌地同佢講，你下次唔好咁樣問人地啦，人地以為你覺得佢食唔起。
再繼續拎住張餐紙，指埋比佢睇落個貴妃雞同埋籠燒賣啦，佢就寫白咭。
五六分鐘到碟雞，味道OK，食咗三分一到覺得唔對路，個魚湯米線呢？
求其揚手叫人，有個部長級（男性，著黑衫，都係操不純正口音）埋嚟瞭解，問翻我邊個同你落單呀？我聽到O咗咀（阿部長你覺得我會記住邊個同我落單嗎？）！
之後搵到個落單阿姐，喺我面前兩個一男一女部長（亦都係操不純正口音嘅）、一個員工擾攘之下，部長同位阿姐講落單要點樣寫呀咁咁。
個兩味黃同籠燒賣之後到，可惜兩味黃（其實即係肉絲炒麵個麵底）炒到一舊舊唔多脆，個筷子基本上分唔得開兩份，懷疑炸唔透。燒賣都可以。
環境：座得個杯碟櫃隔離，啲阿姐個成日擺杯擺碟、疊高拎走，個櫃門就成日開開合合，砰砰聲。
埋單：兩味黃$68，貴妃雞半隻$60（本來跟魚湯米湯嗰份只係$48），燒賣$15，加一盛惠$164。
睇怕下次飲茶都係座車去大圍客香邨好了。
張貼