順德經典 (已結業)

一早做完運動，途經禾輋的順德經典店舖，便帶了一些外賣回家與家人分享。這店在早上十一點前，外賣自取點心一律視為小點，即$14.8 一款。據店員説，點心款式還會定期更新的。～蜜汁叉燒腸腸粉皮稍厚，叉燒粒味適中，芫茜味濃。腸粉豉油味道不會過鹹。～潮州蒸粉果粉果皮蒸出透明効果，可看見餡料的顏色。～鮮竹牛肉球配了喼汁來吃，非常美味。牛肉球腍滑，鮮竹吸了肉和汁的精華，不能錯過。～香滑流沙包小小一個流沙包，皮不會癡牙，餡內的流沙味甜。一啖咬下，感覺滿足。～安蝦咸水角炸得不會過火，糯米粉皮煙韌，餡料是切碎了的，味道適中。

只係因為搵位容易，所以入黎試試，一試就令人永誌難忘，呢度的食物突破傳統，製作出你無發想象的特殊味道。...阿仔一向熱愛燒賣，會一粒接一粒咁食。今次佢好客氣，食完一粒之後，就讓我食埋其餘全部。.首先燒賣的外型頗令人不安，顏色黃中帶點灰，不知道這暗灰色是如何產生的。此外，第一啖咬落蝦仁度，會食到像漿糊又像鼻涕的東西，一剎那間諗緊係咪啲蝦仁未熟，冷靜再想，便認為這些漿液應該係濕左嘅生粉。另外調味偏鹹，不合我口味。...阿仔只鍾情吃麵，所以叫左「鴻圖窩伊麵」。阿仔真係名付其實，自覺地添麵，但我就覺得有點難食。第一湯底一字記之曰：鹹，第二伊麵泡得太淋了，第三所謂蟹粉是瑩光筆的橙色，味道也難以識別出是屬於哪種食物，這種咁特殊的料理我是首次遇見。...叫左一份乳豬例牌，啲乳豬好乾，好難咬，油份不多，我即時聯想到，用氣炸鍋炸廿分鐘的話就係呢種效果了。...最後食埋個鮮竹卷，食到中途才補拍照。鮮竹卷口感散軟無力，味道偏鹹不夠鮮美。.整體來說，呢度啲食物似乎偏鹹，而且是像浸了鹽水的嗰種鹹味。此外材料感覺不夠鮮美，所以不夠好吃。

行過諗住試吓。點知d點心一d都唔熱，d牛仔骨九成肥膏🤦🏻‍♀️🤦🏻‍♀️🤦🏻‍♀️d單又黎錯哂。叫佢同我check 單明明冇叫又迫我地要，態度10分之差。唔會再有下次😡😡😡😡😡😡

很久沒來，這晚和家人到來吃晚飯。食物：乳豬半隻：乳豬放在熱石上，以保持溫度。乳豬的皮很脆，但豬很肥，有的在皮之下根本沒有肉，就只有脂肪，我吃了兩件邊沒有再吃了。蝦籽家常豆腐：完全吃不到蝦籽的味道，而且這菜上桌時只是微溫，我比較喜歡吃熱騰騰的豆腐。玉環瑤柱甫：通常這菜是用節瓜做的，這晚吃到的是翠玉瓜，但瓜煮得不夠軟，味道也可以。順德魚腩蒸飯：這是全晚最好吃的，除了魚腩，還有云耳， 下面的米飯吸收了餸菜的味道，不吃餸只吃飯也能吃好幾碗。环境：就是中菜館的裝潢和格局，不算特別講究，也算可以啦。服务：還可以。

今日喺沙田做義工，人生路不熟，行咗入禾輋廣場，好多食巿，睇到順德經典門外大大隻招牌寫住灌湯餃$9.8 所以就入去試下啦灌湯餃足料，湯底好飲，咁嘅價錢，真係扺食鳳爪夠淋，煮得入味，花生粒都好味叉燒腸d皮軟滑得嚟又煙韌，叉燒粒足料，甜豉油煮得唔會死咸馬拉糕真係無得頂，大件夾抵食，鬆軟香甜，食到淡淡焦糖香味涼瓜煎魚餅，咁樣配搭又幾好，涼瓜少少甘，唔會太苦，魚餅煎得香，好味最好就係午巿唔洗等位，價錢又合理，食物款式多，夠曬大眾化，推介

今日行完沙田試一試順德菜，搵左附近有呢順德經典。好多人都推薦陳村粉，一行三人叫三個菜都食唔曬呀。份量足夠多。之後有蔥油雞，不過好似好多人都叫沙薑雞，我反而覺得普通。蔥油雞配備一碗白飯真的夠味。結帳時候茶介係14元都不算貴，勝在環境喇，可能晚餐不如早餐早茶多人。之後朋友啊媽話要吃魚，就叫左一個魚嘴魚唇蒸魚。上菜之後要搖下呢盤菜，醬汁就會連同橄欖汁配襯一起，均勻啲。撈飯送飯都可以。紫色果一粒粒欖角都襯味道正。

因為尋找冬菇亭大排檔裝修。所以上左呢度商場的二樓用餐，呢間係順德菜？呢個是陳村粉，大概不會令人失望的菜色。但好似有啲太大兩個人食唔曬。呢個係蒸魚唇部位？感覺紫薑拷埋醬油，酸酸甜甜都算入味，不過好似不夠熱？其實沙薑雞會好味道，不過朋友點錯。新鮮熱辣摞上黎果下其實係比較有食慾。之後就覺得。還是叫沙薑雞更好？呢個係10件的炸野，好大份認真考慮，炸鮮奶夠脆還可以打包返屋企去食。服務員還ok，傳菜姐姐都幾nice。知道我地換不到沙姜雞特登過來解釋？

叫左個孖寶，落左單先話冇沙薑雞，好心節日就預定多啲啦！唔食沙薑雞其實我都唔緊要，佢居然話轉叉燒比我，生意咁好自己失預算賣晒啲沙薑雞，就唔好咁孤寒話轉叉燒腩仔啦，就算換燒鵝比我都合情合理，因為個孖寶我已經落好晒單，呢個係良心食肆應負嘅責任。最後好在另一個伙記過黎話可以轉燒雞，都算啦，唔想破壞氣氛。其實啲野食係ok嘅，好食，不過上菜慢同啲伙記好少，做到有脾氣。其實開得門做生意就唔應該怕蝕果少少，仲要前提係你咁好生意，人手又好，應變方式又好都應該多加改善，而家咁樣嘅管理模式真係得罪晒啲客。

玉石乳豬148元半隻不太貴但是凍的, 例湯要188元, 晚茶要14元一位, 很貴!  初次到來也很好的, 不覺得怎樣貴, 但最近不知是否變相加價, 環境很一般, 但不值這個價錢吧!

放假無乜做，又訓到黃朝八晏，帶住個妹落左沙田飲下午茶。去到瀝源商場，好耐無黎過，印象中好少酒樓又想食點心，經過間順德經典，門口水牌好似幾實惠，狗衝入內。阿姐開左茶位擺低下午茶紙，喂!真係平，燒鵝瀨賣24個8，仲有啲孖寶，都係廿零蚊，大型連鎖商場酒樓呢個價錢已經買少見少。24個8既燒鵝瀨，原本以為會掛羊頭賣狗肉俾燒鴨，食落先知真係鵝，雖然凍凍地，但皮都仲脆口，廿零蚊黎講算係咁。薄撐，好耐無食，即叫即煎，熱辣辣，夠香!鳳爪，一般，淡左少少呢間野下午茶食物質素雖然唔係相當好，但以呢個價錢黎講已經係上品。

新年期間火炭好多餐廳都冇開, 所以就走左去禾輋順德經典度飲茶其實年三十都已經黎過, 今次係食過翻尋味再黎點心既選擇都好多蔥油雞, 起初會以為係比個薑蔥你點黎食點知原來係將煮熟既洋蔥放係面洋蔥煮到好入味, 豉油既味道調得岩岩好, 唔會太咸, 仲有少少甜味雞件加埋D洋蔥一齊食, 好味新年期間酒樓都會為D點心改個意頭好D既名, 就好似以下呢個黃金萬兩咁其實就係鮮蝦腐皮卷, 應該因為外形似金條所以改呢個名..新鮮熱辣炸出黎, 裡面有西芹, 蝦肉就少左D, 但勝在新鮮, 唔算太油一向都好鍾意食炸鮮奶, 而炸鮮奶唔係好多地方有得食呢度個炸鮮奶個炸粉稍為厚左少少, 奶香唔太重, 甜度適中呢度既流沙包係我推薦之一, 雖然佢細細個但係個流沙餡做得幾好, 奶黃味好香同埋都食到蛋黃沙蝦餃形狀大細不一, 未至於皮薄餡靚, 但係味道都正常既燒賣就正正常常既味道, 好食既好少地方會用綾魚肉做腸粉, 但呢度就有得食啦, 味道唔錯, 綾魚唔會太腥魚味都好香, 唔會好似食面粉咁另外就係烤肉蒸餃, 起初叫既時候都唔知係咩黎, 用烤肉既蒸餃???原來只係普通蒸餃姐, 但食完都唔知點解叫烤肉, 個味道都唔錯既似係食緊小籠包,

呢間酒樓食過好多次，但吾係因為佢好食，而係在我家附近，有時因為方便所以揀佢啫，呢間酒樓本應都無咩寫，但是今天食到一個順德蒸陳村粉真係幾好食，陳村粉本身已經係好食，再加上材料有一些土尤、蝦🦐干、鮮尤🦑，最後淋些甜豉油，的確食到數年前在順徳的風味。點解講來講去都係呢樣呢，因為其他食物就不提也罷了，諗起都嬲，叫咗碟口水雞，哎....個醬汁差到無朋友，可能都係自己問題，邊有人係順徳食四川野，即時知錯啦。所以我今次係為咗順徳蒸陳村粉而寫食評咋，大家如有機會去到食飯，也可以試試啊！

已經過完年差唔多10日，個餐牌仲係只有好種類的過年野揀，價錢偏貴，但每碟的份量仲細過你去食法國菜，百幾蚊碟菜得幾舊野，不可能再來，必要唱衰，咁樣的餐廳最好快d執左佢

難得經過沙田，本來打算陳根記吃晚餐，可惜6:30pm已經有滿滿的人潮，太飢餓了便去附近的商場看看。看到這間順德經典，門面好像不錯便進去了，誰知是惡夢的開始...很快侍應安排了位置給我們，在下菜單前問了一句羊腩煲是多少錢，侍應帶著口音，十分大聲喝了一句：自己看餐牌！便走開了。頓時啞口無言。就是有疑問才想問呀，有必要這態度嗎？還有仍未下單便走了，唯有再次舉手落單。第一次，就當她沒看到第二次，就當她聽不到第三次，明顯的目光接觸卻直接走開了第四次，仍然如此，是個不能下單的侍應嗎？所以，找了另一個侍應可惜的是，她叫我們找那一個在我們旁邊卻不理睬我們的侍應下單。我有點憤怒的說，叫了四次也不理睬我們，如何下單？原來，這間餐廳要惡，要喝止人才有機會吃嗎？很快便有第三個侍應來下單，終於成功叫了一個黑草羊腩煲，加菜，蒙古烤骨和迷你佛跳牆。與此同時，不理不睬的侍應竟然在寫單，原來是真的會下單的，還是正常聲線。怎樣也想不通，那是歧視我們的意思嗎？黑草羊腩煲來了，98$鍋很大，但羊的份量很少，鍋底味道是可以的，但羊入口很''鞋''。一碟生菜 38$在這段期間，有另一客人要求''不理睬侍應'' 加羊腩煲的湯，她如

食到一肚火我地其實都去過幾次，之前食物都ok，今次黎我地一家7口就叫左一圍宴席，$1700！酒席菜單改左，ok我都知有時食物菜單會變，當試新野！點知，出到黎個效果係咁垃圾上湯龍蝦伊麵，冇肉，大部分都係殼！d伊麵散到夾唔到個翅真係超級離普！䶢到我真係食唔到仲要我真係第一次食酒席係冇人幫你上湯！要自己［bug]雖然$1700真係唔係算勁貴，但係我食過平過呢餐嘅酒席都有！都未試過咁嘅服務！仲要唔飽先犀利👏🏻餐廳食飯嘅人又唔係多，d員工黑口黑面，零服務，又冇禮貌，廚師整野又難食食到背脊骨落！我勸預大家唔好去食