麺屋武蔵 (已結業)

星期日同屋企人去將軍澳食日本野，經過一間幾多人排隊嘅麵屋，決定入去食拉麵，找出大排長龍的原因。呢間拉麵店主打白赤黑三款濃湯拉麵，屋企人港漫想食啲龍尾啲辣辣地開胃嘅拉麵，就揀咗赤武骨肉片拉麵 （$75）實物同餐牌上嘅圖片一樣咁多餸菜，份量十足，名副其實喎。拉麵上面嘅糖心蛋晶瑩剔透，咬落去滲出陣陣醬油香味，咸度剛好，吸收埋微辣嘅豬骨湯底😍， 十分高質！豚肉片亦都好新鮮，肥瘦分布均勻，跟住叫咗一碗明太子玉子小碗飯 （$42），雖然話係小碗，但唔好睇小佢嘅份量，一個人食晒都幾飽，滑蛋上有整整一湯匙份量嘅明太子，香滑嘅炒蛋襯托出啖啖明太子既鮮味，成碗飯嘅配料雖然簡單冇咩花巧，但每啖都係真材實料。最後加多左一個小食，係唐掦豆池魚，第一次食豆池魚，望落去短小精悍，每條都好飽滿，新鮮炸出嚟脆卜卜，味道甘香，$45唔算貴。