影片
更多
2017-12-10
1961 瀏覽
本身係諗住喺屋企附近食餃子慶祝每月在一起之日，但收工晏，近近地去又一城。睇到有牛角，但另一半啱啱喺日本旅行返嚟想食火鍋，咁就攞飛等位。晚市7點幾等左十分鐘就入得，太好🙏🏼餐廳入面梗企好企理啦，啲燈光暗暗地，座位算闊嘅，坐得舒服，雖然同一張檯隔離坐另一對客人，但中間有個partition 隔開。我地坐低就點菜啦，睇到二人餐都唔平，8百幾，又唔算多嘢食，於是散叫(後悔了）餐廳用平板電腦落單，上菜上得好快亦減少漏單機會。先揀湯底，對於一個嗜辣另一個唔食得辣嚟講，呢度一人一鍋確實好好架，可惜八款湯底有兩三種售罄⋯我揀左骨膠原柚子鹽湯，湯底味道清清地，淥熟啲肉仲有陣柚子香味👍🏻另一半係麻辣湯，喺日本餐廳食辣都唔expect有幾辣嘅。肉方面，牛同豬都分幾個等級，我地貴嘅同平嘅都有叫，雞就有脾同胸可以揀。老老實實，兩款唔同價格嘅牛肉，我倆係唔覺得有咩分別⋯⋯於是追加時係點左平嗰種。其實豚肉同雞肉都唔係特別好好食呢份明太子芝士年糕雞滑，口感係有啲冧，味道唔係話好特別，另外有叫麻辣雞滑，有少少辣，味道咸左啲，口感係爽過年糕雞滑，兩樣都唔係好好食唔種，不過唔多嘢點就叫佢試下咁。其實有叫餃子，不過唔好食又冇
餐廳入面梗企好企理啦，啲燈光暗暗地，座位算闊嘅，坐得舒服，雖然同一張檯隔離坐另一對客人，但中間有個partition 隔開。我地坐低就點菜啦，睇到二人餐都唔平，8百幾，又唔算多嘢食，於是散叫(後悔了）
餐廳用平板電腦落單，上菜上得好快亦減少漏單機會。
先揀湯底，對於一個嗜辣另一個唔食得辣嚟講，呢度一人一鍋確實好好架，可惜八款湯底有兩三種售罄⋯我揀左骨膠原柚子鹽湯，湯底味道清清地，淥熟啲肉仲有陣柚子香味👍🏻另一半係麻辣湯，喺日本餐廳食辣都唔expect有幾辣嘅。
肉方面，牛同豬都分幾個等級，我地貴嘅同平嘅都有叫，雞就有脾同胸可以揀。老老實實，兩款唔同價格嘅牛肉，我倆係唔覺得有咩分別⋯⋯於是追加時係點左平嗰種。
其實豚肉同雞肉都唔係特別好好食
呢份明太子芝士年糕雞滑，口感係有啲冧，味道唔係話好特別，另外有叫麻辣雞滑，有少少辣，味道咸左啲，口感係爽過年糕雞滑，兩樣都唔係好好食唔種，不過唔多嘢點就叫佢試下咁。其實有叫餃子，不過唔好食又冇影相。唔好食係佢啲肉粉粉地咁，差過x仔碼頭。
我仲叫左個柚子鹽沙律，啲菜係爽脆新鮮嘅，係個汁食到尾有啲咸。值得一讚嘅係呢度有一個小工具，其實唔知用嚟long住個勺定係點，我地用佢嚟放淥好嘅肉，可以隔走啲湯汁，唔使食食下要倒碗內嘅湯汁，係一個細心嘅設計👍🏻
我地兩人仲有點兩杯飲品、紫菜、追加時點了一碟牛同雞，埋單都要8百幾，比起我地平日打開麻甩啲嘅火鍋貴，而且食物種類少好多。
張貼
