影片
更多
2024-08-22
517 瀏覽
收工已經八點食咩好 😮💨 呢間火鍋放題120分鐘，夜晚11點先閂門，可以慢慢食。😆我哋揀咗安格斯牛頸脊套餐，唔知係咪因為平日，平時$298一位，今日只需$268一位，好彩😆我哋揀咗椰汁花膠雞鍋，湯底一到，國際慣例梗係飲碗湯先啦，係好清嘅雞湯，雞切得比較大件，而且有唔少嘅花膠。兩位以上入座仲送一個海鮮拼盤，入面有六款海鮮，啲沙白好肥嘟嘟，好甜呀😋 如果海鮮覺得唔夠喉，仲可以加錢追加。😛除咗送海鮮拼盤，仲送即炸響鈴，摸吓佢真係好熱個喎😂安格斯牛頸脊平時咁樣出街食一碟最少都要$238，對於我哋呢啲牛魔王，一個人最少食兩碟，基本啦，輕鬆回本。😂 呢個厚薄啱啱好，滾兩下就食得，而且牛味好重，咬落去啲油脂就滲出嚟🥲 諗返起都肚餓。🥹仲點咗其他火鍋配料，我覺得係因為個湯底好味，所以其他火鍋配料加落去味道都唔錯，尤其是係蔬菜類。🥬座位方面都幾闊落，裝修行港式懷舊路線，好經典嘅綠色格仔💚 抬高頭仲有當舖嘅霓虹燈招牌。店員主動又熱情，當我同朋友企喺門口猶豫緊嘅時候，佢哋好主動問我哋幾多位，又會同我哋介紹吓個餐，咁就卻之不恭啦 😂 依家好少餐廳職員都有禮貌，又坐得舒服，又開得夜，又抵食（真心一個人食兩碟牛
我哋揀咗安格斯牛頸脊套餐，唔知係咪因為平日，平時$298一位，今日只需$268一位，好彩😆
我哋揀咗椰汁花膠雞鍋，湯底一到，國際慣例梗係飲碗湯先啦，係好清嘅雞湯，雞切得比較大件，而且有唔少嘅花膠。
兩位以上入座仲送一個海鮮拼盤，入面有六款海鮮，啲沙白好肥嘟嘟，好甜呀😋 如果海鮮覺得唔夠喉，仲可以加錢追加。😛
除咗送海鮮拼盤，仲送即炸響鈴，摸吓佢真係好熱個喎😂
安格斯牛頸脊平時咁樣出街食一碟最少都要$238，對於我哋呢啲牛魔王，一個人最少食兩碟，基本啦，輕鬆回本。😂 呢個厚薄啱啱好，滾兩下就食得，而且牛味好重，咬落去啲油脂就滲出嚟🥲 諗返起都肚餓。🥹
仲點咗其他火鍋配料，我覺得係因為個湯底好味，所以其他火鍋配料加落去味道都唔錯，尤其是係蔬菜類。🥬
座位方面都幾闊落，裝修行港式懷舊路線，好經典嘅綠色格仔💚 抬高頭仲有當舖嘅霓虹燈招牌。
店員主動又熱情，當我同朋友企喺門口猶豫緊嘅時候，佢哋好主動問我哋幾多位，又會同我哋介紹吓個餐，咁就卻之不恭啦 😂
依家好少餐廳職員都有禮貌，又坐得舒服，又開得夜，又抵食（真心一個人食兩碟牛都已經回本），仲要唔收加一服務費，唔收醬料費，真係要再嚟再嚟。👍🏻
張貼
