影片
更多
2014-01-08
3347 瀏覽
朋友問我中意食咩，我答左日本菜之後，佢就帶左我去“八吉”食飯， 本來都以為係普普通通既一間日本餐廳， 但係去完之後感覺係，日本菜唔係淨係得刺身，壽司，拉麵咁簡單！反而令我大開眼界！ 一入到餐廳，一如繼往，員工都會以日本歡迎語招待，而其他員工都繼而和應。在店內既裝修設計都好樸素，主要都係以黑色同木為主，以店中有吧檯，卡位， 如果你有五個以上既朋友一齊，可以被安排去一個獨立卡位，唔洗同隔離既人你眼望我眼，都幾自在同舒適！一坐低店員立即遞上熱毛巾，之後仲捧左一大盆魚黎作詳細介紹，實在十分好客！ 由於比唔起我朋友對日本食物既熟悉，所以點菜部分就交比佢地喇! 以下有幾種食物令我印象特別深刻，我去其他日本餐廳都未見過，所以值得一試！！：）半生熟帶子﹣口感好特別，帶子好有鮮味，而且多汁，無論係即刻食，定係隔左陣先食都仍然好有口感，徘徊係冷熱之間。炸小河蝦﹣佢係由一個長長既小竹簍盛載，炸用既油分十分適中，細蝦仔食落去好可口， 又唔會好油淋淋咁，用黎送酒一流，非常惹味！涼伴蕃茄八爪魚－呢個會係我最推介既一個菜色，首先賣相一流，顏色好鮮豔！有檸檬既黃色，配搭蕃茄既紅色再加上八爪魚為1SET。第一次食呢種既
半生熟帶子﹣口感好特別，帶子好有鮮味，而且多汁，無論係即刻食，定係隔左陣先食都仍然好有口感，徘徊係冷熱之間。
炸小河蝦﹣佢係由一個長長既小竹簍盛載，炸用既油分十分適中，細蝦仔食落去好可口， 又唔會好油淋淋咁，用黎送酒一流，非常惹味！
涼伴蕃茄八爪魚－呢個會係我最推介既一個菜色，首先賣相一流，顏色好鮮豔！有檸檬既黃色，配搭蕃茄既紅色再加上八爪魚為1SET。第一次食呢種既配搭，可能你會覺得只係八爪魚，冇乜特別！咁就錯喇⋯⋯呢個菜既食法係將蕃茄，檸檬同八爪魚一齊放入口內品嚐！八爪魚好爽口，而且配搭檸檬同蕃茄﹣非常
燒明太子- 一上菜時，我都諗左陣究竟呢個係咩野，因為個樣好似切粒香腸（恕我孤陋寡聞），佢將明太魚子切成片狀，然後燒，咸咸地，一啖食落去又好似食緊一粒粒蟹子咁，口感幾特別！ 而家岩岩有個新PROMOTION，就係兩人LIKE左八吉既FACEBOOK PAGE，就可以免費得到180ml 既日本清酒。
有呢三種清酒作選擇， 最右（綠色）既就甘甜味較低，帶有少少辛辣，而中間既就比較有容易入口，而最右邊（藍色﹣艷）就帶有少少甘甜，較為適合女士飲用。（甜度：左＜中＜右）
生海膽伴芝士脆多士﹣另一道值得一試既菜色，海膽是來自加拿大的， 加上竹炭麵包成為一道菜，感覺十分新穎。食法是把海膽好似牛油咁塗上麵包，你可能會覺得呢個配搭會令海膽既味道失色，咁就大錯特錯了！反而脆多士既配搭更能突顯海膽既鮮味，口感有如食緊脆脆味道既海膽，十分特別！ 希望我既食評幫到你啦！張貼
