息 Leaf Cafe (已結業)

好耐冇嚟過呢間 cafe，今日同朋友嚟到，先至知道轉咗老細。店員好有心機咁介紹啲特飲畀我哋。。。芒果沙冰、奇異果沙冰、火龍果沙冰，簡單啲就咁要鮮榨果汁又得。我唔想飲凍野，店員就即推介咗個椰香鮮奶咖啡畀我 😍 朋友們就點咗杯 cappuccino、芒果汁同芒果沙冰😋Cafe 竟然有魚蛋，梗係要叫嚟送吓咖啡啦😁 魚蛋有秘製醬汁，咖哩味得嚟唔辣，好味👍另外再叫咗啲主食。。。安格斯漢堡、黑松露忌廉野菌闊條麵、海蝦鮮蕃茄意粉。環境清靜幾好坐，店員好親切，食物質素亦吾錯👍👍👍 下次一定會再嚟過。