Burgerman (欽州街) (已結業)

友人最愛漢堡包，平價如老麥到貴價漢堡都愛吃，當然一分錢一分貨，主打漢堡店嘅漢堡扒質素有保證！最近去左深水埗買口罩盒，順道去附近間burgerman 嘆和牛漢堡，上次食過大角咁分店正有飛驒牛漢堡扒超正，可惜今次無，所以叫左個和牛漢堡，另一個就藍芝漢堡，一個主打和牛，一個主打芝士，各有特色！先試和牛漢堡，和牛出名油脂分布均勻，而家油脂濃，所以漢堡扒食落油香味同牛肉味都濃，中加埋溫室豆苗嘅青草嘅唔會過分油膩。鐘意食芝士嘅人都未必會喜歡藍芝士，藍芝士係將青黴菌加落牛奶或者羊奶發酵整成，有藍色或者綠色嘅斑紋.芝味濃郁，塊漢堡扒相對上就變成配角，牛肉味無和牛個塊咁濃，不過就相瘦讓芝士突顯身價！另外可以加20蚊配薯條或薯格，同埋汽水，叫錯左叫左兩客薯條，薯條係粗薯條，驚喜位係除薯條外仲炸埋薯皮，脆卜卜，食完都唔似老麥薯條油林林，炸到非常乾身，不錯。店內空比較少，預左繁忙時間去要等耐少少架！