榮興小廚 (已結業)

午市來過食午市，看見好多吸引小菜，黄鳝㷛，筍壳魚，有個蟹肉趐套餐，星期五晚再來。太陽唔食該套餐，單點，店員推介蠔㷛，美國筒蠔，雖然上桌熱辣辣，薑葱唔夠香，唔夠漲卜卜及白淨，試第一隻新鮮，跟住都係一般，太陽擔心有事，近日食蠔都肚痛，今次無事。手抓骨，熱辣香脆，帶有咖哩味，濃味，咸咸地，喜肉就verygood送啤酒一流，叫咗支藍妹。翠塘豆腐，蛋白加豆腐滑，蝦鲜味爽口，但玉蘭粒即蔬菜唔夠。主角出場是贈送甜品，腐竹薏米糖水，雖然無奶白色，無白果雞蛋，但已好滿足，又要讚送馬豆糕，我已前對此物印象麻麻，多數甜椰汁味重，今次無乜椰汁味，但都香滑，食到馬豆香味午市有紅豆沙送都唔錯。