Coffee on the Sand (已搬遷) 新店位置

咖啡可算是每天不能缺少的能量飲品，通常都係飲連鎖店嘅美式咖啡，同咖啡控朋友傾開計，得知旺角有間土耳其咖啡店，當然想試下咩味道！呢間樓上咖啡店，一入內已被呢二張宣傳版所吸引，店內播放著悅耳歌曲，令人放輕鬆！睇下menu, 主打土耳其飲品，二話不說，當然要試下土耳其咖啡，特色器皿裝住的咖啡杯，份量似飲espresso, 未飲先聞下佢嘅香味，唔太濃味，飲到甘中帶甜味，嗒落有細滑感，細意慢慢品嚐都帶來新鮮感，頗易入口！友人中唔好咖啡，選擇左呢杯凍土耳其檸檬綠茶，以土耳其綠茶包浸泡，酸酸地味道幾清新，飲完喉嚨仲覺得幾舒服，朋友果然無介紹錯。