影片
更多
2023-01-26
217 瀏覽
因為疫情，都好耐冇去過諾士佛台，最近放寬防疫措施，大家嘅心情都放寬咗，於是就約埋朋友去食吓嘢、吹吓水😘。呢日天氣比較凍，唔係好想坐室外，於是揀咗位於樓上嘅「寢宮」。呢度環境唔錯，有唔少打卡位📸，而且無樓下啲酒吧咁嘈雜，夜少少仲有歌播添；另外仲可以喺度篤波🎱同玩Beer Pong🏓。醉翁之意不在酒，我哋除咗啤啤佢、飲番杯，仲嗌咗幾款嘢食填飽肚，估唔到酒吧出品嘅食物味道幾掂喎👍。黑松露意大利飯($188)，🍚Risotto充滿濃郁嘅黑松露香，而且仲加入忌廉芝士，Creamy得嚟唔覺得太漏。米飯口感粒粒分明，當中混入洋蔥粒同雜菇🍄，就算冇太多其他配菜都已經好味道。蔥爆牛柳粒($138)，呢個好似大排檔菜式，食落有鑊氣。🥩牛柳粒大大粒、又厚肉，太厚嘅牛粒好多時都會係做到外面太熟，但入面又太生，不過佢嘅火候控制得好好，生熟度平均，肉味濃郁、肉質唔韌。佢另外仲有雜菌同薯仔等作伴菜🥔，令我想加碗白飯，哈哈！避風塘炸魷魚鬚($138)，🦑炸魷魚鬚口感彈牙，再加上炸衣薄脆，非常香口。同時，避風塘口味配合大量金沙炸蒜，少少熱氣，但佐酒一流。自家製雞翼($78)，🍗單骨雞翼有成十隻之多，幾抵身。雞翼本身調咗
因為疫情，都好耐冇去過諾士佛台，最近放寬防疫措施，大家嘅心情都放寬咗，於是就約埋朋友去食吓嘢、吹吓水😘。呢日天氣比較凍，唔係好想坐室外，於是揀咗位於樓上嘅「寢宮」。
呢度環境唔錯，有唔少打卡位📸，而且無樓下啲酒吧咁嘈雜，夜少少仲有歌播添；另外仲可以喺度篤波🎱同玩Beer Pong🏓。
醉翁之意不在酒，我哋除咗啤啤佢、飲番杯，仲嗌咗幾款嘢食填飽肚，估唔到酒吧出品嘅食物味道幾掂喎👍。
黑松露意大利飯
$188
7 瀏覽
0 讚好
0 留言
蔥爆牛柳粒
$138
12 瀏覽
0 讚好
0 留言
避風塘炸魷魚鬚
$138
8 瀏覽
0 讚好
0 留言
自家製雞翼
$78
2 瀏覽
0 讚好
0 留言
主菜加$20可以配甜品，是日甜品係朱古力蛋糕🍫。蛋糕朱古力味香濃，上層有啲似雪糕，冰感強勁。甜品份量啱啱好，飯後食佢好滿足呢。
總括嚟講，喺寢宮吃喝玩樂，可算係一樂也😇。本身只係諗住嚟Chill吓，但餐廳嘅食物具水準，絕對係意料之外。呢度仲有唔少特色菜式，例如隔離枱嗌嘅火焰烤雞，有機會會再嚟試吓。
張貼
