里木

營業中

休息中

最近做嘢做到好攰，壓力又大，好彩終於做晒，就諗住食餐好嘅嚟慶祝吓。咁啱行過尖沙咀，見到呢間餐廳，裝修好高級，就決定喺度食埋晚餐先返屋企。我睇咗個餐牌，決定試吓佢哋最正嘅。每一樣都好好味！石垣貝壽司嘅石垣貝好厚肉，口感特別豐富！白象拔蚌同埋粒貝配沖繩水雲擺盤真係好靚！碟上面放咗愛知縣白象拔蚌，仲有一個高腳杯放咗北海道粒貝配沖繩水雲。問咗個侍應先知，北海道粒貝配沖繩水雲有潔淨口腔嘅作用。生蠔上菜嗰陣仲配埋一罐魚子醬，令到味道更加濃郁，整體味道啱啱好，正到爆！海膽配煮鮑魚壽司嘅鮑魚口感好爽，唔會太韌，好啱我口味！帆立貝海膽漢堡細細粒真係好得意，入面仲有北海道活帶子，味道好特別，好驚喜！拖羅配紫蘇嘅拖羅肉味好好食，一啖咬落去真係好滿足！甜蜜瓜係我最鍾意食嘅生果，甜甜哋，好解膩，好適合做飯後生果。食完呢餐飯，個人真係好輕鬆。啲嘢食好啱我口味，下次諗住帶埋啲朋友一齊嚟食！