老鳳冰室 (已結業)

今早行完山，之後嚟咗葵芳好嘢食。相信大家都知道葵涌廣場有好多嘢食，而且我哋都住得比較遠，所以每一次來都會食好多嘢，而今次有住喺葵芳住嘅朋友介紹左呢間老鳳冰室，所以特意來試一試，一入到黎見到裝修就已經覺得好懷舊，感覺就好似以前嗰啲冰室咁樣，啲設計好比心思，而且好多都搵唔返。一打開餐牌見到好多以前都好鍾意飲同埋食嘅嘢，感覺十分懷舊，今次就叫咗一杯雜果賓治、一個XO醬雞扒撈丁、一個西多士同埋一個芝士豬頸肉撈丁。當我見到杯雜果賓治嘅時候我就覺得好驚訝，因為佢應該用咗差唔多成一罐嘅雜果擺咗落去，份量好多好足夠，而且撈丁嘅味道一流，味道係有水準，平時出面食開嘅撈定都正正常常，但呢個係稱得上好食，有花心思去整。而西多士入面係流心嘅，強烈推介嚟試下。