夏麵館 (始創中心)

營業中

休息中

好耐冇食夏麵館啦!!佢近期好似出左蟹粉宴, 不過朋友麻麻地,  但我點都要捉佢黎食個蟹粉小籠包先心息。煎蟹粉小籠包揀左煎既蟹粉小籠包, 唔知係咪因為煎既關係, 湯汁唔算多, 但係入口都係有鮮味, 而且餡料飽滿, 好味~~另外我地今日出就叫餸食飯, 叩左賽磅蟹, 韭王炒鱔絲同埋蔥爆牛肉。賽磅蟹已經唔係度度食到, 真係要去番上海菜館先有, 依個賽磅蟹調咪岩岩好, 蛋白一粒粒口感又幾似蟹肉, 拌醋食正!韭王炒鱔絲同埋蔥爆牛肉絕對係送飯之選, 韭王炒鱔絲個汁好香, 鱔肉粗身口感彈牙, 而且鱔肉份量多, 好足料。蔥爆牛肉有獲氣, 牛肉似滑牛厚身有口感, 加埋大蔥炒香, 一流!最後食埋個甜品作結, 酒釀丸子, 啖啖桂花清香, 唔會太甜, 熱辣辣既最後食完一定滿足。