影片
更多
2023-06-23
1006 瀏覽
大肥爸爸忙於開會，細佬就帶咗媽咪去威威，一試於大半年前喺報章睇到食評家推介嘅親民小店「Daap」。餐店隱蔽於永吉街上，入夜後招牌尤其明亮。正門前方打出嘅燈影成功為食客引路。落地玻璃身後為俊男廚神光鮮企理嘅大舞台，共有十四個高櫈吧位圍繞住。開放式廚房透明度高，花園式設計滲出健康嘅大自然氣息。訂座時講明同行有年長人士，四人就被安排入座內側較闊落嘅半梳化式散座。晚市只有一款五道菜套餐（$680/位），其中主菜一、主菜二、甜品均有兩個選擇，但遇上客人有敏感問題，師傅都樂於作出調整。為確保食材新鮮，客人必先於用餐兩日前定下菜單。據悉，店名「Daap」取自廣東話個「嗒」字，以迎合主廚融會粵菜與西餐嘅概念，咁真係要慢慢嗒清楚喎！開瓶費為$200/樽標準裝紅、白、汽酒；如果客人從一頁酒牌點一樽酒，即可免一樽開瓶費。四口子正常都要飲兩樽，結果帶咗枝紅酒，另外點咗樽西班牙汽酒「Codorniu Blanc de Noir Grand Reserva, Spain, 2015」（$340/樽）。除咗甜品之外，每道菜都係由大廚Luke哥哥親自呈上並作出簡介。外籍服務生態度良好，食飯中途會自動波地斟添酒水。唯一
餐店隱蔽於永吉街上，入夜後招牌尤其明亮。
正門前方打出嘅燈影成功為食客引路。
落地玻璃身後為俊男廚神光鮮企理嘅大舞台，共有十四個高櫈吧位圍繞住。
開放式廚房透明度高，花園式設計滲出健康嘅大自然氣息。
訂座時講明同行有年長人士，四人就被安排入座內側較闊落嘅半梳化式散座。
晚市只有一款五道菜套餐（$680/位），其中主菜一、主菜二、甜品均有兩個選擇，但遇上客人有敏感問題，師傅都樂於作出調整。為確保食材新鮮，客人必先於用餐兩日前定下菜單。據悉，店名「Daap」取自廣東話個「嗒」字，以迎合主廚融會粵菜與西餐嘅概念，咁真係要慢慢嗒清楚喎！
開瓶費為$200/樽標準裝紅、白、汽酒；如果客人從一頁酒牌點一樽酒，即可免一樽開瓶費。
四口子正常都要飲兩樽，結果帶咗枝紅酒，另外點咗樽西班牙汽酒「Codorniu Blanc de Noir Grand Reserva, Spain, 2015」（$340/樽）。
Codorniu Blanc de Noir Grand Reserva, Spain, 2015
$340
40 瀏覽
1 讚好
0 留言
外籍服務生態度良好，食飯中途會自動波地斟添酒水。唯一有點奇怪嘅就係餐桌上嘅餐具原來係供全晚所用，莫非係效法中餐文化咁一對筷子食哂成餐飯？！
煙燻北海道帶子配蓮藕脆片：頭盤十分輕盈，頂面塊蓮藕片好似薯片咁巧薄香脆，巨型嘅北海道帶子外脆內軟嫩，煙燻味唔會太激，連同帶子上嘅黑醋珠珠及綑邊嘅金柚肉食落口即倍添清新！
煙燻北海道帶子配蓮藕脆片
11 瀏覽
1 讚好
0 留言
煙燻北海道帶子配蓮藕脆片
13 瀏覽
1 讚好
0 留言
栗子湯配羊肚菌：蕃薯uncle嫌栗子湯偏咗少少杰身同過甜，仲話當中嘅栗子味好似燶燶地。
蟲草花忌廉湯：應對細佬有果仁敏感，Luke哥哥就轉咗個以洋蔥、甘筍、西芹、大蒜打造出嘅蟲草花忌廉湯。意外地，忌廉湯香甜濃滑，毫不膩口，舖面嘅炸蟲草花好似魷魚絲咁煙煙韌韌，配搭和諧討好。
蟲草花忌廉湯
35 瀏覽
1 讚好
0 留言
自家製酸麵包件
10 瀏覽
1 讚好
0 留言
臘鴨髀意式雲吞配法式鴨湯
7 瀏覽
1 讚好
0 留言
臘鴨髀意式雲吞配法式鴨湯
5 瀏覽
1 讚好
0 留言
臘腸卡邦尼手工意粉配溫泉蛋
20 瀏覽
1 讚好
0 留言
肉眼牛扒配豆豉法式牛油汁
6 瀏覽
1 讚好
0 留言
菊花焦糖燉蛋：焦糖燉蛋又硬又實兼且唔軟滑，唔睇餐牌真係唔知內含菊花，廚師冇刻意出黎介紹都有種不祥嘅預感，都估到佢咩料啦。
菊花焦糖燉蛋
9 瀏覽
1 讚好
0 留言
位於中上環嘅歐陸小館「Daap」輕鬆幽閒，服務優良，中西合璧嘅菜式有新意得黎都不難接受，嗒得出用材新鮮及設計者花下不少心思，可以一試。
張貼
