美國運通黑卡貴賓室 (已結業)

今日同朋友係尖沙咀食完晏又未夠鐘做野，剛好朋友係AE黑卡會員所以就去左1881 AE Lounge到坐下飲杯野，黑卡會員每月可以帶一位朋友入去兩次(´▽｀).每位會員及同行者都可以選擇一杯酒精飲品(指定紅酒、白酒或啤酒)或者非酒精飲料(咖啡、茶、汽水、果汁及礦泉水任飲)，仲要包一位免費小食，可以選擇中式或西式，其他額外小食同其他食品就收費.一場黎到就緊係要嘆下叫左杯白酒，而小食就叫左中式點心，點心有四粒，我最鐘意佢個芋頭酥，炸到脆卜卜，內餡係綿密細緻既芋泥，好食！