影片
更多
2019-07-09
488 瀏覽
6月最後的星期日意味著我的油牆假期快要結束！一於去整餐超級正嘅Sunday Brunch先！ 今次食日式的早午半自助餐正喇掛＄480/位、細蚊仔＄280/位，記住最快48位喺網上預繳(每位)＄200訂金訂座的客人有4送1免費優惠架！
今次食日式的早午半自助餐正喇掛＄480/位、細蚊仔＄280/位，記住最快48位喺網上預繳(每位)＄200訂金訂座的客人有4送1免費優惠架！
好似我咁鍾意飲酒嘅強烈遣散呀係強烈建議(呢排講慣咗嘿！)大家加錢任飲各樣飲品，價錢由＄88-＄168隨你喜好揀有酒或汽水果汁都得！
等我同咁多位一齊睇下有咩好食先！有食完爽哂嘅薯仔沙律、蟹子沙律、雜菜沙律配有芝麻汁及和風沙律汁。
冷盤有香口嘅煙鴨胸、烤牛肉、辣泡菜，還有仲有送酒良品枝豆。
忽然見到條油甘魚放咗喺道原來一陣師傅會即場劏咗佢比大家嘆。
跟住係新鮮嘅刺身船入面有赤蝦、鱆紅魚、吞拿魚、三文魚和帆立貝，全部任食仲補得夠密唔使等大把貨。
仲有新鮮燒鱈場蟹腳都係任砌，食得幾隻都回本唔少啦！
到即製壽司有三文魚牛油果卷、素菜卷、加洲卷及鰻魚卷等等，不過我食唔到紫菜冇得試！
天婦羅有多樣揀好似蝦天婦羅、粟米芯天婦羅、蕃薯天婦羅和日本青椒天婦羅，仲有香噴噴嘅炸雞、燒粟米同燒日本青椒。
好戲在後頭最正嘅係後豚肉串燒同埋雞肉串燒，包你食過番尋味！
頭盤中嘅沙律薯仔沙律加咗D日式醬汁口味又同西式嘅好唔同喎！
烤牛肉用咗重手嘅醃料食落都幾香口。
到我最鍾意嘅刺身喇！有我平時必食嘅鱆紅魚咬口唔錯夠又夠新鮮、三文魚都油香鮮味好食，帆立貝大大粒好軟糯，仲有鮮甜嘅赤蝦都好鬼正，鱈場蟹腳已經開晒軟殼食得好方便唔使勞煩老婆大人動手。
必食推介串燒豚肉夠肉香雞肉勁嫩滑唔食對唔住自己！天婦羅炸漿唔厚最緊要冇肥淋淋食得過！
早午餐原來仲會送上位上特別菜式！例如有磯煮鮑魚、燒大蝦、、汁燒帶子都有D驚喜位。
由六款主菜入面揀咗A4宮崎和牛冰見烏冬，A4宮崎和牛肉味唔錯冇煮到太熟口感啱啱線！
另一個係朋友嘅蒜片安格斯牛柳粒香口係香口，不過我都係鍾意A4宮崎和牛肉烏冬多啲！
最後仲有精選甜品一份放咁晒呃like一流！一份有小蛋糕、和果子、新鮮水果和Milk Top牛奶雪糕每人一件夠晒我滿足喇！
食到夠皮陪老婆大人去玩章魚小丸子學堂！製成品梗係好好好成啦唁哈哈哈。
張貼
