影片
更多
2019-06-04
15041 瀏覽
因為舊同事升職請食飯，佢好開心，另一同事選左呢間貴野佢都無所謂，想食飯有啲體面。book左830五位，佢地安排左我地響左邊牆壁角落位置，原本位置都唔錯，但個廳正中間有長坐左至少20人既長長長枱，咁就慘喇⋯啲廿幾歲女都斯文細細聲，但係咁三張幾既男人飲大兩杯就嘈到痴左線⋯⋯個場即時degraded.…請客舊同事不停requests 轉枱，但都無轉到俾我地，我地成餐飯係好似鬧交咁食⋯⋯因爲真係除左後面果枱果幾個男人把聲其他就聽唔到😵舊同事發板但佢諗左好耐，侍應哥哥走左埋黎好多次😅介紹呢個新menu但舊同事無選🤣侍應哥哥落間千叮萬囑要叫多幾個因爲碟頭細叫左前菜原名唔記得左，淮山百合配麻醬食個都係生既淮山清脆，未食過生食百合原來都係脆脆地唔粉既配個麻醬🤔我地研究返屋企好似好易還原呢碟陳醋辣津白芯，只用津白嫩葉、爆香蒜頭同辣椒乾，帶點辣但唔係好勁，用陳醋乾煸，比想像中好食。好似叫咕嚕咕嚕爽⋯⋯咪就係蜜桃咕嚕肉，無特別哈哈😄我每次都叫既龍井薰太爺雞，一打開蓋啲煙係咁飄出黎，食薰肉一定要食皮，因為油脂先同薰煙溶合，咁先會有煙薰味，唔食皮不如唔好食同唔識食～皮滑到不得了帶豉油味濃濃茶香，雞肉連個胸都滑得
舊同事發板但佢諗左好耐，侍應哥哥走左埋黎好多次😅介紹呢個新menu但舊同事無選🤣侍應哥哥落間千叮萬囑要叫多幾個因爲碟頭細
麻醬淮山
$138
271 瀏覽
1 讚好
0 留言
叫左前菜原名唔記得左，淮山百合配麻醬
食個都係生既淮山清脆，未食過生食百合原來都係脆脆地唔粉既配個麻醬🤔我地研究返屋企好似好易還原呢碟
醋醬辣津白心
205 瀏覽
2 讚好
0 留言
陳醋辣津白芯，只用津白嫩葉、爆香蒜頭同辣椒乾，帶點辣但唔係好勁，用陳醋乾煸，比想像中好食。
咕嚕咕嚕脆
$138
178 瀏覽
0 讚好
0 留言
好似叫咕嚕咕嚕爽⋯⋯咪就係蜜桃咕嚕肉，無特別
龍井薰太爺雞
$380
137 瀏覽
2 讚好
0 留言
哈哈😄我每次都叫既龍井薰太爺雞，一打開蓋啲煙係咁飄出黎，食薰肉一定要食皮，因為油脂先同薰煙溶合，咁先會有煙薰味，唔食皮不如唔好食同唔識食～皮滑到不得了帶豉油味濃濃茶香，雞肉連個胸都滑得黎帶彈性同雞味都夠似新鮮雞
海膽松茸羊肚菌燴飯
$168
137 瀏覽
0 讚好
0 留言
松茸海膽羊肚菌燴飯，我成日將羊肚菌月牛肚菌攪亂因為都係帶有濃厚味道既菌類～～呢個羊肚菌好香用甜豉油煮個汁煮出黎燴飯真係每一口都有香得黎甜又唔油，松茸增加左飯既口感。平時我好怕食海膽除非即開，呢個真係超新鮮唔腥，但係個飯味真係濃，完全將海膽味蓋過左得返個滑滑既口感。
四個人只叫左兩壺茶，雖然隱約記得茶位係每個計，但為左慳呀主人家荷包⋯⋯侍應哥哥不停酙茶，都幾好服務，個景都唔錯，食物都唔錯，但超嘈超嘈⋯⋯我之前黎因為早又無咁多人食得舒服（嘈既主因主要係後面飲大左果廿幾人果枱係咁嘈同行後行去）今次真係有美食靚景同朋友都好難enjoy,請客既舊同事由頭到尾到港女上身勁不滿，係咁俾說話啲侍應聽～我就好明白關佢地事係關果枱事既俾，留難佢地都無補於事⋯⋯但有枱做乜唔轉俾我地呢雖然我地食左一半（其中一個同事搵toliet見到另一邊有枱）埋單果位到埋單都仲要怨個經理🤣埋單$1300左右⋯一出門口就覺得耳朵舒服晒
張貼
