咖吔

營業中

休息中

今日放假，去左沙田睇早場，睇完戲搵地方食野，去左好運中心嘅Kaya咖吔，係一間食新加坡菜嘅餐廳。餐廳入邊光猛，有卡位坐，今日唔算多人，我哋兩個佢都俾咗卡位我哋。個經理笑容滿面，又有禮貌，讚！兩個人叫咗四樣嘢食：檳城蝦麵 $78碗蝦一拎埋黎，一陣蝦香味撲鼻而來，上面真係有幾隻蝦，唔係蝦米，係真蝦，食落去無霉嘅感覺，豆卜朔晒湯香味，超級好味！跟餐手工拉茶 $6呢個檳城蝦麵係午餐，所以可以跟餐叫野飲，手工拉茶比較重奶味，但唔甜，最怕甜到入唔到口嘅奶茶，呢杯甜味啱啱好！馬拉盞炒通菜 $82份量適中，有馬拉盞嘅香味，但唔會喊到不停飲水，啲菜好新鮮，無炒過龍。班蘭咖央多士 $36多士夠香脆，咖央味道唔錯，入面仲夾左一大塊牛油，好香牛油味，兩個人share一碟啱啱好，唔會太膩。参峇醬燒豬頸肉 $92到我期待嘅豬頸肉，豬頸肉每塊都唔厚，外面脆，裏面多汁，點埋佢個醬汁就更加好味，令成舊豬頸肉味道提升唔少。