The Joomak (已結業)

最近友人告知我想食素食，咁啱經開海港城一間韓式餐廳，門口有個餐牌寫住逢星期一有個90分鐘嘅素食放題，好似幾得意咁，所以入去試下！入去見到其實都幾多嘢食，之後點咗幾樣就冇再點，因為食物嘅份量都幾多，費事食唔唒。炸素魚腐基本上係冇味嘅，外皮炸得唔多香脆，但內裡的確係軟腍嘅，而且亦有鬆軟嘅感覺，同埋表面辣辣地，都有少少惹味嘅。麻藥薯條份量真係幾多，薯條炸得啱啱好，好靚嘅金黃色，夠唒香口，加埋表面有啲芝士粉，鐘意芝士嘅人一定勁like.素泡菜芝士薯條成碟嘢亂唒大龍，唔知食緊乜，泡菜味同芝士味撞唒，唔夠熱嘅話仲得人驚。羽衣甘藍煎餅煎得夠薄，夠脆口，唔會厚到成餅嘢咁，加埋有啲杞子喺裡面，都幾得意。健營藜麥沙律呢個啲料真係幾新鮮，仲有芒果同牛油果，食完即刻覺得自己健康咗。