20•越南粉

營業中

休息中

今日走到去崇潔街搵嘢食。 行行吓見到有間相信是越南人開嘅越南小餐館，呢間小店主耍係食越南湯河粉/撈檬/飯/地道小食咁，見都好耐未有食過越南嘢，就試吓呢間。 餐館裝飾樸實簡單， 似有去到當地餐館地道味道。 我個人認為一間越南餐館嘅魚露做得好唔好， 基本上可以反映間餐廳嘅食物水準。呢間餐店嘅魚露就…..麻麻地。 所以我唔會考慮叫撈檬， 最後點咗一碗香茅豬扒湯河粉，優惠價追加一份春卷， 再加一杯越南凍奶咖啡。碗粉size唔算好大， 豬扒香茅味道唔夠，可以不理， 但碗粉熬製嘅湯頭夠清， 嚐起來意外地味道鮮甜，而且河粉Q彈順滑。 吃罷確令我意外地驚喜。越南脆春卷正常水準 。外皮非常酥脆， 內餡豐富 。好耐無飲過一杯地道嘅越南咖啡， 呢杯咖啡飲得出加入煉奶嘅甜， 而且獨特嘅咖啡香味，十分濃香。