影片
更多
2017-07-15
462 瀏覽
每間小店只要有一款特色菜代表到自己嘅餐廳就有得輸, 位於韓國街嘅OPPA Coffee Bar Restaurant就有佢嘅招牌大熱菜!! Zzang!! 就係熔岩炒飯啦, 呢道有5款可以揀~我點選嘅係秘製章魚漿熔岩炒飯 ($168).職員先倒啲蛋漿喺平鍋同飯上面, 然後再喺蛋漿上面加好多芝士. 跟住職員就拎起支火槍, 起勢燒飯嘅外層, 燒到溶溶地金黃色就停手, 然後就同辣醬飯撈埋一齊.辣辣地嘅炒飯充滿芝士蛋香, 再加埋爽口彈牙嘅章魚好好味!!另外, 仲嗌咗個湯底, 試試Menu 所講嘅非一般湯底係咩搞作!!三色芝士拉麵 ($89), 首先用呢個銀鍋上枱, 好有韓國人嘅慣常食法feel, 煮完就用個鍋嚟食!湯底味道濃郁得嚟又唔會覺得鹹, 加埋三色芝士更香. 味道唔錯! 而配料就有齊韓國元素 - 魚糕、年糕、紫菜. 韓式炸雞咁大熱, 今次就調轉個次序食完主菜食炸雞~甜辣無骨炸雞 ($198), 點咗半份都有大約8隻咁多. 甜甜地又帶啲辣幾惹味, 再墊埋薯條喺底, 感覺要嗌返支韓國啤酒爽爽就最有feel!!即使閒日比較夜嚟到OPPA C
Zzang!! 就係熔岩炒飯啦, 呢道有5款可以揀~
我點選嘅係秘製章魚漿熔岩炒飯 ($168).
職員先倒啲蛋漿喺平鍋同飯上面, 然後再喺蛋漿上面加好多芝士.
跟住職員就拎起支火槍, 起勢燒飯嘅外層, 燒到溶溶地金黃色就停手, 然後就同辣醬飯撈埋一齊.
辣辣地嘅炒飯充滿芝士蛋香, 再加埋爽口彈牙嘅章魚好好味!!
秘製章魚漿熔岩炒飯
$168
9 瀏覽
0 讚好
0 留言
另外, 仲嗌咗個湯底, 試試Menu 所講嘅非一般湯底係咩搞作!!
三色芝士拉麵 ($89), 首先用呢個銀鍋上枱, 好有韓國人嘅慣常食法feel, 煮完就用個鍋嚟食!
三色芝士拉麵
$89
18 瀏覽
0 讚好
0 留言
湯底味道濃郁得嚟又唔會覺得鹹, 加埋三色芝士更香. 味道唔錯! 而配料就有齊韓國元素 - 魚糕、年糕、紫菜.
韓式炸雞咁大熱, 今次就調轉個次序食完主菜食炸雞~
甜辣無骨炸雞 ($198), 點咗半份都有大約8隻咁多. 甜甜地又帶啲辣幾惹味, 再墊埋薯條喺底, 感覺要嗌返支韓國啤酒爽爽就最有feel!!
即使閒日比較夜嚟到OPPA Coffee Bar Restaurant依然熱鬧, 眼見大多係年青男女嚟到呢度享受真正韓式風味!!
張貼
