嫲嫲辣辣 (福榮街) (已結業)

福榮街多嘢食就大家都知道，次次行過除咗車仔麵之外，呢一間食辣嘅小店都好多人排隊，今日lunch Time經過，見到唔算多人等位，我哋一行四人好快就有位坐啦！-午市有干鍋套餐，同埋客飯套餐。干鍋套餐可以揀辣度，有香辣，麻辣，蔥爆，孜然。而辣度都可以由微辣開始揀。今次第一次食，我哋就由微辣入手啦。-我哋四個人分別叫咗三個香鍋，試咗麻辣，孜然，同埋蔥爆。每個鍋都嗌左唔同嘅餸黎試吓，不過最好食嘅係薯仔，紅薯粉，同埋牛肉。麻辣同埋孜然都好食，各有風味，蔥爆就最適合唔食辣嘅朋友啦，炒得好香，不過略嫌多油。午市客飯就比較經濟，我哋叫咗椰菜回鍋肉，都係比較油。-總括嚟講值得一試！