食口福生滾麵

營業中

休息中

每次喺新墟既巴倫紐或者凱都睇完戲，都一定會去食口福「食雞」！每次嚟都會叫雙拼麵，包兩款配菜，今次又叫番麻香雞+麻辣手撕雞鴛鴦米 (米粉&粉絲)。試過咁多款雞，最愛既依然係麻香雞 (~口水雞)。每款配菜份量都唔少，就算雞都好足料，唔會敷衍淨係得骨，所以每次食完都好滿足😋另外朋友叫咗霸王雞+醉炸魷魚鬚鴛鴦米，魷魚鬚好足料，份量好多。霸王雞就有啲辣辣地既脆脆係上面，豉油係底。鴛鴦米mix咗米粉同粉絲，口感好特別，唔會太單調，強烈推薦！