影片
更多
2023-06-13
410 瀏覽
嚴重被underrated!! 值得更多更多人識的樓上餐廳，餐廳仲有自己的dry-aged櫃，大癲！如果唔知食d咩好，可以請店員推介一下，講講小食方面，Grilled Iberico Pork Rib Fingers with Hot & Sour Sauce，有驚喜，酸酸地好開胃，作為餐前小食係非常適合，d醬汁岩岩好沾滿每條rib fingers，一啖一條。Appetizer 我地揀左 Black pepper crab tartare，最下面係蟹肉，最上面係牛油果，最得意係出面有d脆片圍住，加左脆片就解決左平時食他他冇乜口感既問題，味道都好清新。然後進入main! 當日咁岩冇羊，我地叫左24 hours sous vide iberico pork rack。一上碟覺得好特別，佢係切開左兩邊。店員話因為Iberico豬油脂多，所以佢地用慢煮方式，令到油份釋出，食落冇咁油，我自己反而中意油份多d，哈哈。呢道菜最吸引我既係配菜，超級有心思，有一舊係椰菜，係用雞油浸過，非常淋身之餘竟然冇油膩感，仲要覺得好juicy，另外有舊千層焗薯，呢個仲高難度，佢係一片一片咁樣，明明食落係起沙，但個外
Appetizer 我地揀左 Black pepper crab tartare，最下面係蟹肉，最上面係牛油果，最得意係出面有d脆片圍住，加左脆片就解決左平時食他他冇乜口感既問題，味道都好清新。
然後進入main! 當日咁岩冇羊，我地叫左24 hours sous vide iberico pork rack。一上碟覺得好特別，佢係切開左兩邊。店員話因為Iberico豬油脂多，所以佢地用慢煮方式，令到油份釋出，食落冇咁油，我自己反而中意油份多d，哈哈。呢道菜最吸引我既係配菜，超級有心思，有一舊係椰菜，係用雞油浸過，非常淋身之餘竟然冇油膩感，仲要覺得好juicy，另外有舊千層焗薯，呢個仲高難度，佢係一片一片咁樣，明明食落係起沙，但個外型依然保持得好靚一層層咁。唔知有冇得單嗌d配菜XDDD
全晚最最最期待既，當然係呢度既重點! Dry aged牛牛! 30Days dry aged “44 farms” prime rib eye 300G，呢個係佢地好推介既! 4款signature dry aged入面我揀左rib eye~ side就揀左薯條同青蘋果沙律。呢個牛真係好好食，超級超級喜歡，30日熟成左真係同平時既rib eye唔同，佢地熟成完會trim走左最外層最乾硬既部分，裏面就保持住好濃既牛味，肉汁都鎖緊，所以肉質都好變軟，真心手工野！
甜品我地叫左signature Tiramisu，出面有幾舊自家製既朱古力brownie，朱古力係抽過真空整，所以食落唔係平日好厚好實或者覺得好甜膩的brownie，有種空氣感，好特別。問過店員個tiramisu係冇酒成份的，但竟然都咁好味，超級creamy，中間既手指餅好濕潤，可可同咖啡味都恰到好處，真係好好食。
值得一提係每個店員都好專業，每次上菜都會好好咁介紹每道菜，有時真係唔知自己食既野背後有咁多心思，真係要好好欣賞背後的付出。
張貼
