影片
更多
2023-06-27
164 瀏覽
平時想食咖哩，一係去泰國餐廳、印度餐廳、日式咖哩專門店等等⋯而加沙田新城市廣場就有有一間新派咖喱餐廳可以一次過滿足晒你對各國咖哩嘅需求！香港首家同新加坡知名百年醬料品牌 Amocan 聯手合作共同研發同提供泰國、新加坡、 印度同日本四國咖喱！店內環境光猛，感覺舒服，感覺帶有日式嘅簡約，再配上墨綠牆身，帶點新加坡嘅風味。餐廳內尤其係梳化卡位，又闊落又舒服~甜蝦胡麻豆腐 +$38Amaebi Tofu叫任何主菜都可以以優惠價加配小菜同飲品，我就揀咗甜蝦胡麻豆腐，甜蝦鮮甜，配上胡麻醬嘅豆腐，既清新又香口。通呢豬嘩 $158Japan Curry Pork Chop 今次選咗2款唔同嘅咖哩，第一款係日本咖哩，所有咖哩有5個辣度可以揀，而日本咖哩就可以揀唔辣～蛋包飯整得好靚！吉列豬扒炸得好鬆脆，口感嫩淋。而日本咖哩汁，加入咗蘋果蓉，味道甜而不辣，落多啲都唔怕！青咖喱沾麵 $158Thai Green Curry Duck Breast Noodles青咖喱沾麵真係第一次見，慢煮鴨胸肉加蕎麥麵，再配上濃郁嘅泰式青咖哩汁。鴨胸份量十足而且非當厚切！青咖喱沾麵食法同日式沾麵一樣，直接將蕎麥麵加到青咖喱
平時想食咖哩，一係去泰國餐廳、印度餐廳、日式咖哩專門店等等⋯而加沙田新城市廣場就有有一間新派咖喱餐廳可以一次過滿足晒你對各國咖哩嘅需求！香港首家同新加坡知名百年醬料品牌 Amocan 聯手合作共同研發同提供泰國、新加坡、 印度同日本四國咖喱！
店內環境光猛，感覺舒服，感覺帶有日式嘅簡約，再配上墨綠牆身，帶點新加坡嘅風味。餐廳內尤其係梳化卡位，又闊落又舒服~
甜蝦胡麻豆腐 +$38Amaebi Tofu
叫任何主菜都可以以優惠價加配小菜同飲品，我就揀咗甜蝦胡麻豆腐，甜蝦鮮甜，配上胡麻醬嘅豆腐，既清新又香口。
通呢豬嘩 $158Japan Curry Pork Chop
今次選咗2款唔同嘅咖哩，第一款係日本咖哩，所有咖哩有5個辣度可以揀，而日本咖哩就可以揀唔辣～蛋包飯整得好靚！吉列豬扒炸得好鬆脆，口感嫩淋。而日本咖哩汁，加入咗蘋果蓉，味道甜而不辣，落多啲都唔怕！
青咖喱沾麵 $158Thai Green Curry Duck Breast Noodles
青咖喱沾麵真係第一次見，慢煮鴨胸肉加蕎麥麵，再配上濃郁嘅泰式青咖哩汁。鴨胸份量十足而且非當厚切！青咖喱沾麵食法同日式沾麵一樣，直接將蕎麥麵加到青咖喱入面，青咖喱帶微辣，加入咗香茅、小茴香、羅勒等香料，非常惹味！
紫菜照燒雞 $58Chicken Skewer
串燒方面，揀咗照燒雞同印度烤羊肉。紫菜照燒雞比較日式，賣相有啲似章魚小丸子，上面放滿咗紫菜同木魚，再配上照燒汁，雞肉帶口感，經燒過後特別香口，一串大概有6-7件，可以同朋友一齊分享～
。
印度烤羊肉 $68
Lamb Skewer
烤羊肉同樣係大大串，上面加咗青瓜絲同大量香料，羊肉嘅騷味唔會太重，肉質嫩滑，羊肉當中帶點脂肪，經燒過後，特別香口！
綠邦邦 +$38Baby Mojito
（Lime Wedges, mint leaf,basil seeds,soda, apple juice ）
味道同無酒精嘅Mojito一樣，加入咗大量薄荷葉，再配上青檸同蘋果汁，入口酸酸甜甜，醒胃又清爽！
。
黃邦邦 +$28
Chrysanthemum Soda
（Homemade chrysanthemum crystal sugar,lychee, ice jelly, soda）
呢款喺出面比較少見，除咗有菊花之外，仲有荔枝同啫喱喺入邊。入口有啲似菊米茶，菊花味好重，可以清下熱氣～另外，仲有好多啫喱喺入邊增加口感！
。
限時優惠:
1.由即日起至 8月31日期間，凡惠顧「咖喱邦」，即可以半價優惠品嚐各款特色飲品。2.「咖喱邦」亦將於此期間發出$30現金券。
📍📍📍📍📍📍📍📍
咖哩邦 (沙田)
沙田沙田正街18號新城市廣場一期7樓703A號舖
張貼
