金記小食酸辣粉

營業中

休息中

太子有間主打四川料理嘅小食店，外賣為主，平日晚上好多人幫襯，見大家主要都係叫佢哋嘅招牌菜式，酸辣粉！可以自由選擇辣度，另可加配料。紅薯粉吸滿湯汁，口感Q彈滑嘟嘟，酸辣口味十分過癮，上面有滿滿嘅花生、榨菜、肉碎同芫荽，領導整體口感同味道更加豐富。自己加咗隻荷包蛋，香煎，好正。除咗酸辣粉都有麻辣燙，用辣椒、花椒等調料涮煮，簡單方便又快捷。配料有好多款，最鍾意應該係蘿蔔，因為朔晒啲汁🤣 另外貪得意叫多咗份餃子同埋碗仔翅，餃子大大粒脹卜卜，個皮唔算好厚身，而且餡料飽滿、碗仔翅都唔錯，做到港式嘅街邊小食Feel，下次經過又試吓其他款式先。