渝老大 (砵蘭街)

營業中

休息中

呢間渝老大位於太子地鐵站附近，非常方便；環境闊落、乾淨企理、位置多，坐得幾舒服👍🏻 餐牌更主打由正宗川菜，有辣/不辣既菜色，仲有酸菜魚，串燒，小菜等…選擇好多，總有一款岩自己😚烤蒜蓉茄子🍆原條切開既茄子，食用非常方便，面頭仲鋪滿超多炸蒜，勁Juicy，蒜香味又冇冚過茄子味，食落仲有點辣🤭蒜蓉豆腐皮🫔每嚿都燒至金黃色，外邊微脆口感，裡面軟香豆腐質感，仲配有辣味，真係多重口感😆蒜蓉多春魚🐟同樣以原條上既燒多春魚，燒到表面乾身收水，但仍保留着微微既鮮甜汁感🫶🏻烤冬菇 🍢每嚿冬菇唔會燒到好乾身 ，入口仲幾juicy😛不錯乾煸四季豆配白飯🍛就咁聽個名感覺呢款係簡單既小菜， 但呢間餐廳將四季豆炒到完全唔油膩，乾爽及爽脆，微辣惹味😋餐廳用料新鮮，食物種類多，而且性價不錯，重點係有辣有唔辣🫢