麻辣五三五 (已結業)

呢間麻辣五三五聽聞團隊曾經去過四川考察，而且同當地廚師交流過，以自家製的辣油炮製各款涼菜、小食、小炒、干鍋、水煮系列等40款四川風味美食。而菜式都可以選擇大、中、小辣，部份菜色更可走辣，亦照顧到食唔到辣嘅人。水煮魚都幾大條，魚係炸完之後再放去連辣湯一齊煮，所以魚嘅表面口感微脆，掀開魚皮後發現魚肉依然嫩滑，唔錯。除此之外仲有其他配料可以放入去一齊煮。京蒽炒牛肉孜然味好濃擔擔麵因為叫左走辣關係所以比較淡味，下次都係叫小辣會比較好蒜蓉炒油麥菜菜炒得好爽脆。乾煸四季豆肉碎份量多，成個小菜用黎送飯一流。