影片
更多
2023-04-15
100 瀏覽
一向都鍾意懷舊風嘅我，嚟到呢間餐廳真係超級開心。呢一度有好多打卡位，仲要一直都播住八九十年代嘅歌，包括有哥哥，梅姐，陳百強，首首都耳熟能詳，成個feel好似返咗去舊時咁。除咗個環境了得之外，呢度嘅服務都係不得了，啲職員全部都好Nice，而且好殷勤，會不停留意住客人嘅需要，又會主動幫你落下料/加下湯，完全有種賓至如歸嘅感覺。講返啲食物先，我哋叫咗個藥膳醉雞湯底。佢個湯好足料，滿滿嘅藥材。職員會建議你煮熟咗啲雞之後熄火，試咗個湯同埋食咗啲雞先至再打邊爐。我就比較唔聽話，喺放啲雞落去之前試左啖湯，嗰陣湯剩係得濃濃嘅藥材味。但係當放完啲雞落去之後，簡直係另外一個世界，個湯真係甜左好多。然後啲雞真係好滑，好鮮甜。我哋原本淨係諗住叫一份龍躉，但係職員見到之後建議我哋可以試吓佢哋嘅拼盤，因為加多$200左右就可以由多四隻鮑魚，兩隻扇貝，聽落都幾抵，所以就試吓。佢啲海鮮都真係好大隻，而且都好新鮮，龍躉又啖啖肉，$398嚟講，我覺得真係好抵。牛肉方面我揀咗本地手切肥牛，朋友就嫌佢太瘦，但我自己覺得好好味，因為似潮汕牛肉火鍋啲牛，好有牛味。最重要就係唔好淥得太耐，真係幾秒變左色就好啦。另外仲叫咗個鵝肝墨魚
除咗個環境了得之外，呢度嘅服務都係不得了，啲職員全部都好Nice，而且好殷勤，會不停留意住客人嘅需要，又會主動幫你落下料/加下湯，完全有種賓至如歸嘅感覺。
講返啲食物先，我哋叫咗個藥膳醉雞湯底。佢個湯好足料，滿滿嘅藥材。職員會建議你煮熟咗啲雞之後熄火，試咗個湯同埋食咗啲雞先至再打邊爐。我就比較唔聽話，喺放啲雞落去之前試左啖湯，嗰陣湯剩係得濃濃嘅藥材味。
但係當放完啲雞落去之後，簡直係另外一個世界，個湯真係甜左好多。然後啲雞真係好滑，好鮮甜。
我哋原本淨係諗住叫一份龍躉，但係職員見到之後建議我哋可以試吓佢哋嘅拼盤，因為加多$200左右就可以由多四隻鮑魚，兩隻扇貝，聽落都幾抵，所以就試吓。佢啲海鮮都真係好大隻，而且都好新鮮，龍躉又啖啖肉，$398嚟講，我覺得真係好抵。
牛肉方面我揀咗本地手切肥牛，朋友就嫌佢太瘦，但我自己覺得好好味，因為似潮汕牛肉火鍋啲牛，好有牛味。
最重要就係唔好淥得太耐，真係幾秒變左色就好啦。
另外仲叫咗個鵝肝墨魚丸，佢啲墨魚丸真係好好食，超級彈牙，而且仲有墨魚嘅甜味。
不過個鵝肝就唔係好有味，反而我覺得墨魚丸先係主角。
差啲唔記得咗仲有個鴛鴦蚌，呢樣嘢最緊要就係鮮，佢做到了，又夠晒爽脆，好味。
食完晒之後，呢度仲會送甜品，佢有兩款甜品可以揀。最特別嘅係呢個懷舊糖不甩，佢上枱嘅時候真係好靚㗎。但係當聽到話要擺落去個湯底都煮嘅時候，我哋都有啲想縮沙，因為聽落又咸又甜，好奇怪。
但係當佢煮好之後再幫我哋沾滿晒糖花生，又完全食唔到鹹味，反而仲幾好食添。
另外一款甜品係花奶啫喱，唔少得嘅係呢字懷舊嘅紙傘仔，完全童年回憶返晒嚟。呢度嘅食物質素再加埋環境再加埋服務，我覺得係絕對絕對可以encore無數次。
張貼
