影片
更多
2009-05-12
156 瀏覽
這幾天很忙，未能及時寫下食評。多謝好友K先生的邀請，有幸到新舖試菜！ 可能佢知道我太愛吃的關係吧！ 開業的前一天 - 五月七日晚上大約7時許，二樓已經坐無虛席。原來係安排食第二輪，要等到大約九時左右 。正當苦腦如何打發時間，原來三樓有雀局。 興趣不大又吾多識玩(只係印象中記得讀書時打過電腦麻雀game！)， 但打麻雀的時間過得超快， 終於有得食！先講講菜單:-金錢雞拼盆霸王鴨發財北菰大利好市蓮藕湯豉油皇煎蝦醬燒骨釀鯪魚金銀蛋莧菜貴妃雞炒飯干燒伊麵紅豆沙感覺係好似去左 “飲”…金錢雞拼盆有金錢雞、海蜇、叉燒、燒鴨/鵝印象中吾係好多酒家有金錢雞食，拼盆有金錢雞，感覺好特別、起碼吾會係一般連鎖酒家食到。係懷舊菜，我和好友分左一半。叉燒+ 雞肝片+肥豬肉 (厚厚半透明的)… 好香，食落甜甜地吾錯、吾錯！霸王鴨招牌菜…好耐之前已經想試。通常係吾係叫做 “八寶鴨”?切開先知裡面有勁多餡料。食到、見到的材料有蓮子、薏米、糯米、白果、蛋黃、冬菇、栗子。還有其餘1種…係乜?…真係吾知! 下次再食要問下先得。裡面的餡料好鬼入味，食左2碗。 真係冇番至少十個人都吾好叫、食食下都幾飽肚！最勁的地方係鴨骨十分鬆
多謝好友K先生的邀請，有幸到新舖試菜！ 可能佢知道我太愛吃的關係吧！
開業的前一天 - 五月七日晚上大約7時許，二樓已經坐無虛席。原來係安排食第二輪，要等到大約九時左右 。正當苦腦如何打發時間，原來三樓有雀局。 興趣不大又吾多識玩(只係印象中記得讀書時打過電腦麻雀game！)， 但打麻雀的時間過得超快， 終於有得食！
先講講菜單:-
金錢雞拼盆
霸王鴨
發財北菰大利
好市蓮藕湯
豉油皇煎蝦
醬燒骨
釀鯪魚
金銀蛋莧菜
貴妃雞
炒飯
干燒伊麵
紅豆沙
感覺係好似去左 “飲”…
金錢雞拼盆
有金錢雞、海蜇、叉燒、燒鴨/鵝
印象中吾係好多酒家有金錢雞食，拼盆有金錢雞，感覺好特別、起碼吾會係一般連鎖酒家食到。
係懷舊菜，我和好友分左一半。叉燒+ 雞肝片+肥豬肉 (厚厚半透明的)… 好香，食落甜甜地吾錯、吾錯！
霸王鴨
招牌菜…好耐之前已經想試。通常係吾係叫做 “八寶鴨”?
切開先知裡面有勁多餡料。食到、見到的材料有蓮子、薏米、糯米、白果、蛋黃、冬菇、栗子。還有其餘1種…係乜?…真係吾知! 下次再食要問下先得。裡面的餡料好鬼入味，食左2碗。 真係冇番至少十個人都吾好叫、食食下都幾飽肚！最勁的地方係鴨骨十分鬆化，可以話係食 “鴨”吾 “lur”骨！蛋黃好正，又夠香！相信大部份人都鐘意。
煎釀鯪魚
將鯪魚起肉、剁爛、然後調味加入果皮再釀回鯪魚皮內。有少少香口，我極之喜歡。
醬燒骨
個樣好似東坡肉，上面有燒汁…好好味！如果d肉再淋d、入味少少就更加好！
食完個碗底好油，女士怕肥就吾好食啦!
發財北菰大利
好似過年，好好意頭。
冬菇個賣相一般，原來食落好入味同爽口！
我平時吾食 “大利=豬脷”，今次好比面食左一片。如果吾話比我知，我覺得食落似瘦肉…好淋、正呀！
好市蓮藕湯
就連湯渣都吾放過！可以想像這湯水受歡迎之程度！ 清清地，飲落有淡淡的蠔豉味！
豉油皇煎蝦
隻蝦真係好大隻，食一隻已經覺得好滿足！
金銀蛋莧菜
我好喜歡哩個菜。平時出外食飯都會叫！
蓮香整得好好、用個上湯浸、一點都不油膩。
貴妃雞
最後一道菜。個胃只能容納一小片！
好彩有試，雞肉很鮮味…終於忍唔住、再encore!
干燒伊麵我食左少許，吾油…不錯！
飯就冇試！
今晚實在太豐富，最後有紅豆沙 (起沙、不會過甜)作為總結…很完美！
店的裝修很簡潔、乾淨企理、服務態度良好。
我未試過蓮香樓，之前有2次想和爸爸飲茶…但他最怕等位…所以沒有機會！
晚飯要預多d人一齊吃…下次一定要帶祖母到來試試霸王鴨。
突然想吃馬拉糕…得閒要約三五知己到來試試早茶先。
張貼
