The Night Market (又一城) (已結業)

係台灣返黎香港無耐又掛住台灣ge野食，係時候再去回味下台灣食物…見到night market環境乾淨企理，十分適合坐低食下野傾吓偈😚香酥雞扒配蔥油拌麵，粉漿有少少厚，不過雞扒都juicy。食得耐就覺得有少少咸，不過飲下珍珠奶茶就可以中和返。值得一讚嘅係依間餐廳飲管係用不鏽鋼，保護環境👍小食揀咗金牌小籠包，不過都幾失望。小籠包嚟到嘅時候啲皮已經有啲乾，一放落口已經好明顯感覺到個皮太厚😩另外單點左一碟糖心蛋。糖心蛋上面有合桃，出奇地合桃同糖心蛋意外地夾好好味😋另外仲叫左豬扒滷肉飯同埋酸辣花枝羹，不過唔記得咗影相。酸辣花枝羹都幾辣，食一啖已經覺得好辣，唔食得辣嘅朋友就千祈唔好點啦。豬扒滷肉飯啲豬肉粒係比起平時食開嘅大粒有咬口，但啲汁唔夠多如果再多番啲會更好食。