文華冰室

營業中

休息中

行行下街，想食個下午茶，又唔想食得太飽令到今晚食唔落，就搵咗間茶餐廳食咗個沙嗲牛麵常餐。包括咗一碗沙嗲牛麵、一個烘底多士、當然炒蛋就唔少得，同埋一杯凍檸茶。最精警嘅係炒蛋夠滑同埋好口感，食落去個感覺已經好滿足，跟住再食埋個誠意烘底多士，直情已經飽咗一半，好彩仲有少少空間可以食埋個沙嗲牛麵，佢有最傳統嘅花生粒作為沙爹底，牛肉唔太晏亦都好濃味。如果經過民泰街值得一試，價錢方面略為貴少少，以一個平時嘅常餐佢都要收成50蚊。