廣麪子

營業中

休息中

今日我響灣仔收工，老公都喺附近做嘢，又唔係好諗到食乜，一於上Openrice 碌下~ 見到啲食評店話呢間店係筲箕灣安利大排檔副線，眾所周知安利不嬲都係長龍店，唔排隊都唔使旨意有得食，加上我都好少去筲箕灣，見到呢間係副線，近近地又就腳，一於去試吓據我所知安利好似係出名魚蛋，所以我哋二話不說都嗌咗魚蛋試吓，除咗呢個之外我哋都冇乜諗頭想食乜，見店員力推佢哋嘅牛腩叫我哋要試吓，所以我哋一於叫返啲牛腩試吓~ 沙腩同切腩各自都嗌咗啲試下店員真係冇介紹錯，我哋試嘅切腩同埋沙腩都好香牛油味，肥瘦分明，所以怕肥可以咬走啲肥膏，啲肉一樣好滑，味道同質感的確唔錯~ 至於魚蛋反而冇我諗得咁特別，不過不失，所以建議大家嚟一定要叫牛腩，令人回味無窮