悅滿軒

同男朋友出嚟慶祝生日,想搵間餐廳整整同佢慶祝吓,上網search之下，就搵到呢一間喺美孚嘅穩世法國餐廳❤️❤️。咁就可以盡情咁過我哋嘅二人世界啦❤️去到嗰度嘅時候仲未夠鐘食飯，咁啱餐廳嘅出邊又有好多小攤檔，我就趁呢個時候可以行吓👍🏻入到餐廳，裝修唔錯，環境都舒適❤️可以輕輕鬆鬆咁享受今晚嘅晚餐❤️❤️睇咗餐牌，我先叫咗半打蠔😋，佢呢度提供左四款唔同嘅生蠔，我同男朋友就揀咗產地係法國同愛爾蘭各三隻試下🤤口感非常飽滿同滑溜😍味道方面我覺得法國個隻比較淡，有埋鹹鹹地嘅海水味，令到蠔嘅鮮味更加突出👍🏻法式紙包智利紅䱽魚配海鮮汁，賣相好靚，完全整到好似一個海鮮拼盤咁😆紅䱽魚釀咗好多唔同嘅海鮮同蔬菜❤️令到個魚肉非常鮮味，而且口感彈牙。配埋個海鮮汁，將成條魚嘅味道都升華咗🤤呢個魚真係我嘅大愛啊😍之後再黎就係烤西班牙八爪魚腳 西班牙辣肉腸燴薏米 阿根廷青醬。八爪魚腳烤到啱啱好😋。平時食開嘅八爪魚都好靭，但呢個絕對唔會😍味道仲要好鮮味同好濃郁嘅八爪魚味🤤配埋佢個辣肉腸燴薏米，味道鹹香惹味。👍🏻呢度啲嘢食同環境，我同男朋友都好滿意。男朋友話之後全部嘅紀念日可以去呢到食😆😆😆