三小漁

營業中

休息中

係觀塘番工多年，哩度好多美食餐廳，放左工約左家人食晚餐，我就book左三小漁中菜館。三小漁環境優雅闊落，座位舒服，而且性價比高。我地一家四口，點左飲桂花烏龍茶，另外點左5個小菜。脆皮風沙雞半隻：哩度招牌菜，必叫之選，皮脆肉滑，啖啖肉，十分美味😋金沙鮮魷皇：哩度鮮魷份量十分足料，夠大條，又唔多粉，炸得香口。艇家醬炒大蜆：炒得好有鍋氣好野味，大蜆勁大隻。煙燻糖心蛋：煙燻糖蛋唔多中菜館會有，小食必點之選。清蒸龍躉仔：蒸得夠火喉，汁甜肉滑。私房担担麵：哩度担担麵份量超級大碗，賣相相當吸引，足夠4個人食，味道微辣開胃。