蜀府川鍋 (已結業)

收工後想食川辣野，所以去左油塘蜀府川鍋一食佢地依排出名既蒸燒鍋四層塔。時令海鮮什錦拼盤：包含了龍蝦，蜆，扇貝，青口，石班。由於分開了四層：第一層係蒸，第二層係椒鹽鮮魷，第三層係燒，第四層係火鍋。龍蝦再蒸的情況下不但把周邊肉質鎖實，所以食落彈牙鮮甜，保留海鮮的鮮味在龍蝦內。而扇貝亦非常之爽滑，帶子很鮮甜，食落非常之新鮮。蒸大連活孔魚 （$28）：危魚在蒸氣的熱力下，令到鮑魚的肉質非常之滑，不但唔會令到鮑魚變硬，更令鮑魚的鮮味釋放。薑汁花膠筒 （$88）：第一次用花膠蒸來吃，口感非常之特別，因為平時冇味的花膠筒，在蒸氣火鍋下，吸收了其他海鮮的味道，所以食落又有另一種感覺。加上用上貴價花膠，食落彈牙爽滑，更唔會有苦澀的味道。自家手打蝦丸（$76）：不但用上新鮮蝦肉折肉打做而成，而且蝦膠打得圴衡，非常彈牙，加上用了大量薑絲醃製，辟除了難聞的味道。蒸小龍包 （$38）：第一次用層層搭食蒸小龍包，不但可以自己控制蒸的時間，而且小龍包的皮亦可以吸收海鮮的鮮味，加上小龍包內裡肉汁多而鮮甜，食落好像飲湯一樣，鮮甜美味。總括而言，這裡的海鮮不但新鮮，而且份量和價錢適中，非常之抵食。