金兜記海鮮菜館

營業中

休息中

我又時候過去灣仔睇車仔喇，順便問下住灣仔既朋友附近有咩中菜好食，之後講左幾間，他說佢自己最喜歡就係食這間金兜記海鮮菜館，又近我地睇車仔既地方，我地就選了這間，一去到個地方門面不算大，但見得了不少獎牌，口埤不錯，接待員招呼我們乘電梯上一樓用餐區，之後我地坐底就睇下有咩食，太多出名既野食，但我地得兩個人又食唔到太多野，所以我地點了個蟹肉翅鮑魚餐。【日式冰鮑魚】第一道菜係冷盤，咩叫日式冰鮑魚，廚師細心處理令肉質爽甜鮮味，D汁用左清酒來做出來，再同鮑魚一起醃又不會鹹或過老，依然保持嫩滑得來帶點咬口。【生拆紅燒蟹肉翅】 咁大個仔都未食過咁大梳翅，真係用一排排來形容，同非常之多蟹肉，個高湯煮得非常之好，好濃郁既金華火腿甘香同蟹用既鮮甜，亦唔會好鹹。值得推介!!!【蠔皇海參伴玉掌】每食一道菜都非常之出色，今次到蠔皇海參伴玉掌，海參煮得岩岩好，又不會太淋會帶點爽口，配埋玉掌即鵝掌，鵝掌忟得非常之淋又入味，點埋D汁一起食，正呀是日送甜品【紅棗糕】紅棗糕勁香紅棗味，又勁彈性同煙煙韌韌，又不會過甜。