勝八鉄板串料理 (已結業)

今日同屋企人去銅鑼灣買衫過春天，經過登龍街發現太多野食，屋企人話想食日本菜，又見到有間餐廳中午有85折好抵食，就去食個午餐。鐵板燒餐廳，主打鐵板午餐，套餐包沙律/小食/麵豉湯和甜品，而且選擇仲好多。我就食鐵板B餐。先來沙律。沙律用上芝麻醬，味道香口清甜，最鐘意又大又多汁既蕃茄。刺身兩點，入口新鮮清甜，三文魚厚切肥美。再來我最愛的鵝肝多士，鵝肝燒得香口入口油香重而不膩，醬汁濃厚，伴上多士味道剛好。燒大蝦和銀鱈魚。大蝦大大隻加上黑椒燒香，肉質鮮甜爽彈，肉感非常重。魚肉滑溜清甜，伴他他醬味道香甜惹味。牛肉薄燒。牛肉片肥美肉味濃，加上蔥和蒜片，味道香口濃郁，入口即溶旁邊是燒野菜。炒飯：有牛肉粒、煙肉片、蒜片、蔥粒、洋蔥，炒飯乾身滋味，咸香重又不會太濟，牛肉粒最驚喜，軟腍完全不鞋口。最後有芝麻雪糕。