影片
更多
2022-01-23
308 瀏覽
🐮犇殿台灣火鍋 🔍大角咀海泓道1號奧海城三期UG層59-63號舖-----的逢家姐近排生日，本身打算「大顯身手」煮個豐盛大餐比屋企人食，孝敬一下家姐大人。怎知突然病咗幾日，發冷發燒各種不適，唯有叫外賣再叫佢自己去自取返黎同姐夫食。.家姐大人中意食牛，叫個勁多牛嘅澳洲M7和牛外賣餐（$328）就啱曬佢。整個餐點嘅肉類包含有澳洲M7和牛、安格斯牛小排、美國牛板腱、美國豬梅花同阿嬤燒酒雞，簡直係食肉獸嘅天堂。而除咗呢款外賣餐之外，仲有兩款平d嘅美國極黑牛同美國黑毛和牛餐，不過家姐生日緊係要叫最好嘅，所以就直接order最貴嘅比佢試試。.各式肉類方面，家姐大讚佢地嘅牛肉，雪花均勻，入口有肉味有肉脂香，豬梅花彈牙緊實，燒酒雞亦嫩口滑溜。.除此之外，佢地有7款湯底可供選擇，貪靚嘅家姐就指定要求Order桃膠土雞美人鍋，湯底有原隻雞腿同粒粒桃膠，幾足料。.餐品除咗大量肉類之外，仲有蔬菜拼盤、台灣火鍋配料同醬料等等。大大兜嘅蔬菜拼盤貌甚壯觀，洗臉盆Size嘅外賣盒中，有菠菜、羽衣甘藍、皇帝菜、花生芽、蜂巢豆腐、甜粟米、鮮冬菇金菇、黑木耳、響鈴卷、屏東米粉、紹菜、關廟麵等等。由於身體不適，B仔唯一可以食
🔍大角咀海泓道1號奧海城三期UG層59-63號舖
-----
的逢家姐近排生日，本身打算「大顯身手」煮個豐盛大餐比屋企人食，孝敬一下家姐大人。怎知突然病咗幾日，發冷發燒各種不適，唯有叫外賣再叫佢自己去自取返黎同姐夫食。
.
家姐大人中意食牛，叫個勁多牛嘅澳洲M7和牛外賣餐（$328）就啱曬佢。整個餐點嘅肉類包含有澳洲M7和牛、安格斯牛小排、美國牛板腱、美國豬梅花同阿嬤燒酒雞，簡直係食肉獸嘅天堂。而除咗呢款外賣餐之外，仲有兩款平d嘅美國極黑牛同美國黑毛和牛餐，不過家姐生日緊係要叫最好嘅，所以就直接order最貴嘅比佢試試。
.
各式肉類方面，家姐大讚佢地嘅牛肉，雪花均勻，入口有肉味有肉脂香，豬梅花彈牙緊實，燒酒雞亦嫩口滑溜。
.
除此之外，佢地有7款湯底可供選擇，貪靚嘅家姐就指定要求Order桃膠土雞美人鍋，湯底有原隻雞腿同粒粒桃膠，幾足料。
.
餐品除咗大量肉類之外，仲有蔬菜拼盤、台灣火鍋配料同醬料等等。大大兜嘅蔬菜拼盤貌甚壯觀，洗臉盆Size嘅外賣盒中，有菠菜、羽衣甘藍、皇帝菜、花生芽、蜂巢豆腐、甜粟米、鮮冬菇金菇、黑木耳、響鈴卷、屏東米粉、紹菜、關廟麵等等。由於身體不適，B仔唯一可以食嘅就係水洽呢兜菜餸白粥，但不得不說，佢地蔬菜嘅水準亦很不錯，尤其係羽衣甘藍，非常爽脆甘甜，而關廟麵則非常軟身滑溜，索汁入味，兩款都令人印象深刻。
.
台灣火鍋配料亦係佢地嘅主打之一，當中味道神似鯪魚滑，但又比鯪魚滑稠身嘅福州魚青滑最得家姐歡心。除此之外，台灣燕餃、手工蛋餃、台式貢丸都非常有特色。
-----
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：外賣yo
👶🏻B仔味道評分：8/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowolympic
張貼
