孖寶車仔麵

營業中

休息中

今日又嚟咗孖寶車仔麵食佢個大辣，過一排又會想食今日嗌咗個套餐，$54 3個餸送熱飲，我哋叫大辣就再加$3，性價比都好高我叫咗牛腩咖喱魷魚同埋蘿蔔，配咗個大辣嘅油面，再叫咗杯熱奶茶，蘿蔔一如以往嘅鮮甜，牛腩佢會比牛筋同牛腩你，都唔韌，另外咖喱魷魚雖然細細碟，但係個味道好足，加埋落大辣嘅車仔麵度，食到我熱辣辣，如果你鍾意食辣，仲可以加埋個辣菜脯仲正朋友仔食咗牛柏葉豆卜，另外加咗$7食水魷魚，都係叫咗個大辣油麵，佢話個水魷魚好好食😋豆卜索晒個辣汁都好正，牛柏葉亦都好爽口。50幾蚊食到一餐，呢個性價比依家喺香港嚟講都非常之高，而且都好味☺️